Aktrisa hisslərinə hakim ola bilmədi

Əməkdar artist Hüsniyyə Mürvətova səsləndirdiyi müəllif şeirlərindən ibarət albom hazırlayacaq. 

    Əməkdar artist Hüsniyyə Mürvətova səsləndirdiyi müəllif şeirlərindən ibarət albom hazırlayacaq: “Yeni mövsüm üçün albom hazırlıqlarına başlayacam. Əsasən müasir şairlərimizdən Cəlil Cavanşir və Ramiz Rövşənin şeirləri yer alacaq. Buna baxmayaraq klassiklərimizdən də olacaq”- deyə aktrisa bildirib. O, albomda yer alacaq şeirlərdən seçim edərək birinə klip də çəkəcək.
    Müxtəlif rol oynamasına baxmayaraq rejissorların onu şeirlərində yenidən kəşf etdiyini deyən aktrisa zahiri ilə daxilini fərqləndirib: “Tamaşaçılar çox vaxt ciddi rolda oynamağımı xasiyyətim ilə əlaqələndirir. Ola bilər mən ciddi görünüm, amma daxilimdə sakit Hüsniyyə var”.
    Bu vaxta qədər rollarında sevgi yaşamayan Hüsniyyə xanım üzünü rejissorlara tutub oynamaq istədiyi obrazı canlandırdıb: “Çox istəyərdim rejissorlar mənə sakit və romantik rol versinlər”- deyə o, etiraf edib. Ana olandan sonra kövrək olduğunu deyən əməkdar artist, Nurəngiz Günün “Ağca yol” film-kompozisiyasında oynadığı şəhid anası obrazından danışarkən göz yaşlarına hakim ola bilməyib.
    Aktrisa daxili sakitliyini oxuduğu şeirlərində tapdığını vurğulayıb.

Səbinə Zöhrabqızı
Rüfət Qarayev

Muz-Tv.az