Azərbaycanlı müğənni “Türkiyənin yıldızı” yarışmasında jüri olacaq

Türkiyənin yıldızı” adlı yarışmadan qayıdan Cavidan Novruz Azərbaycanı layiqincə təmsil edib.  

      “Türkiyənin yıldızı” adlı yarışmadan qayıdan Cavidan Novruz Azərbaycanı layiqincə təmsil edib. Qazaxıstan,Türkmənistan, Qırğızıstan, Kipr, Türkiyə və Azərbaycanın yer aldığı müsabiqədə hər bir iştirakçı mahnıları həm öz dilində, həm də türk dilində ifa edib. Sınaqdan uğurla çıxan təmsilçimiz Cavidanın həyatında yarışmadan sonra yaxşıya doğru dəyişikliklər olub. “Yarışmadan sonra daha çox işləməyə başladım. Orada bir çox verilişlərdə, o cümlədən, Gülben Ergenin verilişində qonaq oldum” - deyə o, açıqlamasında bildirib.
       Müsabiqədə türkiyəli sənətçi Brak Kutun sevimli namizədi olan Cavidan Novruz “Bele olarmı?” mahnısına yeni klip də çəkdirib. Bunun üçün əcnəbi rejissora müraciət edən müğənni klipin ilk görüntülərini eksklüziv olaraq Muz Tv-yə həvalə edib. “Sarı gəlin” mahnısının Azərbaycana məxsus olduğunu isbat etməyə çalışan müğənni yarışmada çətin anlar yaşayıb.
       Cavidan həmçinin qeyd edib ki, növbəti yarışmaya jüri kimi dəvət olunub. Jürinin digər üzvləri isə Azərin, Brak Kut və Çelik olacaq. Müğənnilikdən daha çox aktyorluğa üstünlük verən ifaçı serial təklifləri gələrsə, dəyərləndirmə aparacağını vurğulayıb.

Ülviyyə Xəlilbəyli
Rüfət Qarayev

Muz–Tv.az