Fərqanə Qasımovadan atasına qeyri-adi hədiyyə

Azərbaycanın xalq artisti, şeriyyatin və qəzəlin fərqli səsi, dünya şöhrətli muğam ustadı Alim Qasımov 1957-ci il, avqustun 14-də Şamaxı şəhərində dünyaya gəlib. 

     Azərbaycanın xalq artisti, şeriyyatin və qəzəlin fərqli səsi, dünya şöhrətli muğam ustadı Alim Qasımov 1957-ci il, avqustun 14-də Şamaxı şəhərində dünyaya gəlib. Valideynləri onun musiqiyə, xüsusilə muğama olan istedadını uşaqlıqdan biliblər, lakin ona musiqi təhsili verməyə imkanları olmayıb. Və getdikcə bu istedad onun yüksək zirvələrə qalxmasına səbəb olub. Alim Qasımov 25 yaşında həyatında birinci müvəffəqiyyətini qazanır və muğam müsabiqəsində birinciliyi əldə edir. Dünyanın müxtəlif ölkələrində konsertlərlə çıxış edən sənətkar, Azərbaycan muğam sənətininin təbliğatında böyük rol olnayıb.
    Opera səhnəsində Məcnun, Aşıq Qərib kimi rolları ifa edən xalq artisti, vətənimizdə də onlarla solo konsert verib. Sənətkar 1993-cü ildə Xalq artisti, 2007-ci ildə isə “Şöhrət” ordeni ilə təltif edilib.
    Konsertlərində Alim Qasımovla eyni səhnəni paylaşan qızı Fərqanə Qasımova yubeliyində məhz tələbəsi kimi ustadına hədiyyə hazırlayıb. Daxilindən gələn səsləri nota köçürən xanəndə Qasımova, Arifə xanımın sözlərinə mahnı bəstələyib və klip çəkdirib. “Oxu Alim” mahnısına çəkilən klipin rejissoru Əbdül Əliyev, ssenarisi isə Lalə Əliyevaya məxsusdur. Alim Qasımov əvvəlcə qızının ona sürprizindən xəbərsiz olsa da, sonradan xəbərdar olub və buna şad olub. Klipin çəkilişlərində iştirak edən xalq artisti ona həsr olunan ekran işini tam olaraq bu gün- doğum günündə izləyəcək.

Səbinə Zöhrabqızı
Rüfət Qarayev

Muz-Tv.az