“Məşhurların həyatında sevincli anlar”

Tanınmış müğənni Nazim Pişyari həyat və yaradıcılığından bəhs edən sənədli film çəkdirir.  

      Tanınmış müğənni Nazim Pişyari həyat və yaradıcılığından bəhs edən sənədli film çəkdirir. Müğənni açıqlamasında: “Tamaşaçılar həyatımda olan ən intim məqamlardan agah olacaq. Bir saat iyirmi dəqiqəlik filmdə yeni mahnılar səsləndirəcəyəm” - deyə bildirib.
      Məşhur amerikalı aktrisa Uma Turmanın qızı dünyaya gəlib. Körpənin adı hələ ki, məlum deyil. Aktirasının sevgilisi, isveçrəli maliyyəçi Arpad Büssondur. Xatırladaq ki, Uma Turman artıq üçüncü dəfədir ki, ana olur.
      Yarım ildən artıq qardaş ölkədə olan gənc müğənni Arzum avqust ayında Bakıya qayıdır. Bu barədə məlumatı müğənninin köməkçisi yayıb. Onun sözlərinə görə, Arzum Türkiyədə Azərbaycan şou -biznesi üçün bir sıra layihələr həyata keçirir. Sənətindəki dəyişikliyi paralel olaraq müğənninin imicində də görə biləcəyik. Layihənin təqdimatına gəlincə, bunun sentyabr ayında reallaşacağı planlaşdırılır.
      Xalq artisti Aygün Kazımova hesab edir ki, yeni klipi Şakira, Tarkan, Cenifer Lopez, Ajda Pekkan kimi dünya məşhurlarını kölgədə qoyacaq. Müğənnin sözlərinə görə, hətta Türkiyə tamaşaçıları da klipi görəndə heyrətə gələcək. “Bütün kadrlar eksklüziv olacaq. Belə görüntüləri heç bir kilpdə görməmisiniz” – deyə xalq artisti əlavə edib. Qeyd edək ki, müğənninin klipi üçün amerikan işıq avadanlığı gətirilib.

Xəyalə Əzizova

Muz-Tv.az