Faiq Ağayevin mahnısını dörd dəfə dəyişməli oldum

Aranjemançı Yaşar Baxış mövsümün yeni hitlərini hazırlayır. Bu barədə Muz Tv-yə danışan musiqiçi deyib ki,...  

     Aranjemançı Yaşar Baxış mövsümün yeni hitlərini hazırlayır. Bu barədə Muz Tv-yə danışan musiqiçi deyib ki, əməkdaşlıq etdiyi müğənnilərin sırasında əməkdar artistlərdən Faiq Ağayev, Almaz Ələsgərli də var. Musiqiçi kaprizi ilə seçilən sənət nümayəndələrindən də danışıb. Məlum olub ki, aranjiman üçün Yaşara müraciət edən xalq artisti Faiq Ağayev mahnını düz dörd dəfə dəyişdirməli olub.
     Kiçik yaşlarından musiqi ilə məşğul olan aranjemançı qeyri-adi istedadından və vaxtilə onun qarşısını kəsən maneələrdən də danışıb: “Uşaqlıqdan fortepiano üzrə musiqi məktəbinə getmişəm. Dahi Qara Qarayevin “7 gözəl” baleti mənim çox xoşuma gəlirdi və ifa etmək istəyirdim, lakin müəllimlər bunun mənim üçün hələ tez olduğunu bildirəndə incidiyim üçün məktəbi davam etdirmədim ”
    Aranjemanla yanaşı bəstələri ilə də məşhur olan Yaşar Baxış bu günlərdə yeni teleseriallar üçün də musiqi yazıb.

 

Səbinə Zöhrabqızı
Ramal Gülməmmədov

 

Muz- Tv.az