Firudin Qurbansoy: “İnsan ona lazım olan musiqiyə meyl edir”

Filologiya elmlər namizədi, astroloq Firudin Qurbansoy bu dəfə bürclərdən yox, musiqidən danışıb.  

      Filologiya elmlər namizədi, astroloq Firudin Qurbansoy bu dəfə bürclərdən yox, musiqidən danışıb. O, ruhun qidası olan ritmlərin insana birbaşa təsir etdiyini deyib. “İnsanların fərqli musiqi janrına üstünlük verməsi nədən irəli gəlir?” sualını o belə cavablandırıb: “İnsan ona lazım olan, ehtiyac duyduğu bir şeyə maraq göstərir. Əgər hər hansı bir musiqiyə meyl edirsənsə, deməli o musiqi sənin daxili orqanlarında gedən mənfi proseslərə müsbət təsir göstərir”.
     Müsahib söhbət zamanı vurğulayıb ki, Avropadan gələn musiqilər hər bir fərdin zəkası üçün təhlükəlidir. Muğamın yalnız Azərbaycana məxsus olduğunu deyən Qurbansoy, müğənnilərin savadsızlığından da gileylənib.
     Qeyd edək ki, filologiya elmlər namizədi hazırda irfani rəmzlər mövzusunda elmi əsər üzərində çalışır.

Səbinə Zöhrabqızı
Ramal Gülməmmədov

Muz-Tv.az