Şou-biznes yenə bir-birinə qarışdı

İnternetin aktiv istifadəçilərindən olan müğənni Sevinc Ağaşirinova bağça yoldaşlarını axtarmağa başlayıb.  

     İnternetin aktiv istifadəçilərindən olan müğənni Sevinc Ağaşirinova bağça yoldaşlarını axtarmağa başlayıb. Fotoları sosial şəbəkəyə yerləşdirən sənətçi ümid edir ki, birlikdə çəkdirdiyi şəkillərin köməyi ilə o, balaca dostlarını tapa biləcək. Müğənni onu da etiraf edib ki, maraqlı bağça həyatı olub və indi də həmin insanlarla ünsiyyət yaratmaq istəyir.
    Türkiyədə ən çox qazanan aktyorlardan biri Kıvanç Tatlıtuğdur. O, “Aşk-ı Memnu” teleserialının hər seriyasına görə 16 min dollar, Beren Saat isə 14 min 400 dollar alıb. “Fatmagülün suçu ne”serialında bu məbləğ 25 min dollara çatıb. Məşhur aktrisa Hazal Kaya “Aşk-ı memnu” serialından hər həftə 9 min dollar qazanıb. Serenay Sarıkaya isə “Lale devri” serialının ilk seriyalarında 8700 dollar alsa da, daha sonra bu məbləğ 12 min dollara qədər qalxıb.
    Şou-biznesin iki məhşur ulduzu Röya və Rəhim Rəhimli Zaqatalada konsert verməyə hazırlaşır. Bu barədə məlumat verən Rəhim Rəhimli: Mən və Röya “RR”şou balet təqdim edəcəyik. Çox sevinirəm ki,bölgələrimizdə belə inkişaf var. İnşallah şou proqramlarımız davamlı olar”- deyə açıqlayıb. Qeyd edək ki, konsert avqustun 11-də baş tutacaq.
    Aktrisa Penelopa Kruz ikinci dəfə ana olmağa hazırlaşır. 38 yaşlı ispaniyalı aktrisa bunu hər kəsdən gizlədir. Hamiləlik xəbərini isə cütlüyün yaxın dostları verib. Artıq aktrisa hamiləliyinin 3-cü ayındadır. Xatırladaq ki, Penolope və Haver Bardemin Leonardo adlı bir oğlu var.
    Türk müğənnisi Müzeyyen Senar xəstəxanaya aparılıb. Həkimlərin sözlərinə görə, sənətçidə yüksək qan təzyiqi və ürək xəstəliyi olsa da, onun vəziyyəti ağır deyil. Qeyd edək ki,müğənni bir neçə gün davam edəcək müalicədən sonra evə buraxılacaq.

Xəyalə Əzizova

Muz-Tv.az