Mila iyulun 28-i pulsuz konsert verəcək

İfaçının “Maqnit” adlandırdığı musiqili gecə iyulun 28-i istirahət məkanlarının birində reallaşacaq.  

     Gənc müğənni Mila ilk solo konsert verməyə hazırlaşır. İfaçının “Maqnit” adlandırdığı musiqili gecə iyulun 28-i istirahət məkanlarının birində reallaşacaq.
     Müğənni konsertin belə adlandırılmasını sözləri və musiqisi Hüseyn Cavadzadəyə məxsus “Maqnit” hiti ilə əlaqələndirdi. Onun sözlərinə görə, musiqili gecənin əsas özəlliyi girişin sərbəst olmasıdır. Əsas məqsəd isə yay günü gəncləri bir araya yığıb əylənmələrinə şərait yaratmaqdır.
     Ansambl və canlı ifaların sədaları altında planlaşdırılan rəngarəng konsert proqramında müğənninin öz repertuarı, eləcə də türk mahnıları yer alacaq. Qeyd edək ki, mərasimdə onu 7 musiqi alətindən ibarət “Qrup Armoni” müşaiyət edəcək.

 

Aytən Zöhrabqzı

 

Muz-Tv.az