Cavanşir Məmmədov gənc müğənniləri tənqid etdi

Əməkdar artist Cavanşir Məmmədov yeni mahnılar üzərində işləyir.  

      Əməkdar artist Cavanşir Məmmədov yeni mahnılar üzərində işləyir. Bu barədə məlumat verən müğənni həm müasir estrada, həm də dahi bəstəkar Üzeyir Hacıbəyovun musiqilərinə müraciət etdiyini bildirib.
      İllərdir duet ortağına sadiq qalan ifaçı tərəf müqabilini dəyişmək fikrində deyil: “Biz Firuzə İbadova ilə 15-16 ildir birlikdə işləyirik, ayrılmaq fikrimiz yoxdur. O, işinə çox ciddi yanaşan müğənnidir”.
      Hətta Cavanşir Məmmədov duet ortağı ilə birlikdə filmə də çəkilib. “Bıçaqdan iti” adlanan serialın süjet xəttində cinayət aləmindən bəhs olunur.
      Sonda müğənni retro mahnıları dəyişən ifaçılarların əleyhinə olduğunu bildirib: “Musiqini dəyişirlər, amma gənclər başa düşmür ki, bu düzgün deyil” – deyə o, vurğulayıb.

 

Aytən Zöhrabqızı
Ramal Gülməmmədov

 

Muz-Tv.az