Modelyer Fəxriyyə Xələfova əcnəbiləri valeh etdi

Öz dəst-xətti ilə seçilən modelyer,əməkdar incəsənət xadimi Fəxriyyə Xələfova Astana şəhərinin “Türkdilli ölkələrin mədəniyyət paytaxtı” ...  

     Öz dəst-xətti ilə seçilən modelyer,əməkdar incəsənət xadimi Fəxriyyə Xələfova Astana şəhərinin “Türkdilli ölkələrin mədəniyyət paytaxtı” seçilməsi münasibətilə keçirildiyi beynəlxalq tədbirdə iştirak edib.”Türk gözəlləri” adlı moda nümayişində yalnız Qazaxıstanın incəsənət xadimləri deyil, həm də dost türkdilli ölkələrin nümayəndələri də yer alıb.Türk gözəllərinin hər kəsi heyran etdiyini söyləyən modelyer tədbirdən xoş təəssüratlarla ayrılıb.
     Tədbirdə Fəxriyyə xanım yaradıcılığının spesifik tərzi olan milli koloritli geyimlərdən istifadə edib. Kolleksiyalarını sevə-sevə, uzun vaxt müddətində, tələsmədən hazırladığını deyən modelyer, nəticədə ərsəyə gətirdiyi işlərilə hamını valeh edə bilib.
     Kolleksiyasının incə və zərif əhval-ruhiyyə bəxş etdiyini söyləyən Fəxriyyə Xələfova 20 geyim təqdim edib.Musiqi tərtibatına xüsusilə yer ayıran modelyer bu dəfə də ənənəsinə sadiq qalıb.
     Azərbaycanın milli ornamentlərini geyimlərində orijinal şəkildə təqdim etməyə çalışan modelyer kolleksiyaları ilə yanaşı incəliyi, gözəlliyi və füsunkarlığı ilə də seçilib.
     Azərbaycanı layiqincə təmsil edən Fəxriyyə Xələfova həmçinin qeyd edib ki, Alma Ati da keçirilən moda həftəsinə də dəvət alıb.

Ülviyyə Xəlilbəyli
Ramal Gülməmmədov

Muz-Tv.az