Nailə Mirməmmədli onu tanıyanları təşvişə salıb

Əməkdar incəsənət xadimi, bəstəkar Nailə Mirməmmədlinin son zamanlar səs-küyə səbəb olan, yeni “İntihara əsas var” adlanan mahnısı...
Əməkdar incəsənət xadimi, bəstəkar Nailə Mirməmmədlinin son zamanlar səs-küyə səbəb olan, yeni “İntihara əsas var” adlanan mahnısı onun yaxınlarını əməlli- başlı təşvişə salıb: “Oxuyanlar elə bilirdi ki, bunu özümə həsr eləmişəm. Mən çox istərdim mahnının sözlərinə diqqət yetirsinlər. Bu sadəcə bir obrazdır. Mən bunu yazmışamsa o demək deyil ki, yaşamışam”- deyə müəllif bildirib.
Bəstəkar vurğulayıb ki, mahnının adı intiharla bağlı olsa da, əsl mənanı dinlədikdən sonra daha yaxоşı dərk etmək olur. Eyni zamanda Nailə Mirməmmədli, Brilliant Dadaşova üçün də mahnı hazırlayır. Zemfira Əlişqızına aid olan və bəstə üçün nəzərdə tutulan şeir onu çox təsirləndirib: “Ağlayır xatirələr” şeiri mənə təqdim olunanda özümdən asılı olmayaraq doldum. Çünki Brilliantla bu günə qədər işlədiyimiz mahnıların hamısının adı o şeirdə yer alıb”.
Yaradıcı insanların çox olmasına qarşı olmayan bəstəkar bəyənmədiyi halların da olduğunu bildirib. Bununla yanaşı o, ifaçıların nədənsə Azərbaycan ladından çəkindiyini deyib.
Fəaliyyətində işlərinin ləngidiyini bildirən Nailə Mirməmmədli, bunu oğlunun hərbi xidmətə hazırlaşması və qızının ali məktəbə imtahan verməsi ilə əlaqələndirib.
Səbinə Zöhrabqızı
Ramal Gülməmmədov
Muz-Tv.az