Hakan Eroldan Aygün Kazımova üçün növbəti mahnı gələcək

Hit mahnıların müəllifi, bəstəkar-aranjemançı Hakan Erol, yayın isti günlərində yenidən iş başına keçib və Zamiq Hüseynov üçün iki lirik mahnı hazırlayıb.  

     Hit mahnıların müəllifi, bəstəkar-aranjemançı Hakan Erol, yayın isti günlərində yenidən iş başına keçib və Zamiq Hüseynov üçün iki lirik mahnı hazırlayıb. O, dillər əzbəri olan “Düşün məni”dən sonra Aygün Kazımova üçün də növbəti mahnı bəstələyib. Bunun nə dərəcədə məşhur olacağını bilmək üçün isə yeni mövsümü gözləməliyik.
     Leyli İsrafilovanın şeirlərinə həyat verən bəstəkar, artıq 3 ildir ki, onunla birgə fəaliyyət göstərir. Şairə, bunun səbəbini Hakanın bəstələrinin savadlı olması ilə əlaqələndirib.
     Müəllifi olduğu mahnılarda həyat hekayələrinə üz tutan şairə, Abbasın ifasında olan “Sənsiz olmaz” mahnısının qısa tarixçəsindən də danışıb.
     Birgə fəaliyyətlərinin uğurlu olduğunu düşünən cütlük, gələcəkdə də iş birliyini davam etdirmək niyyətindədir.

Səbinə Zöhrabqızı
Vüsal Babayev

Muz-Tv.az