Gənc müğənni həmkarlarının səhvlərini açıqladı

Peşəkar fəaliyyətə hələ yeni başlamasına baxmayaraq, gənc müğənni Mətin Rzazadə uğurlarının az olmadığını bildirib.  

      Peşəkar fəaliyyətə hələ yeni başlamasına baxmayaraq, gənc müğənni Mətin Rzazadə uğurlarının az olmadığını bildirib. “Tək səni” klipinin çəkilişlərini yenicə tamamlayan müğənni deyəsən rejissor Pənah Eldaroğlunun işindən razı qalıb. Çünki Mətin “Solo” adlı mahnısını bu dəfə də həmin klipmeykerlə Türkiyədə reallaşdırmaq niyyətindədir. Bununla yanaşı müğənni duetlərə də yer ayırıb: “Xuraman Şuşalı və reper Hüseyn Dərya ilə duetimiz olacaq. Hüseynlə mahnı seçsək də, Xuramanla hələ ki, müəyyənləşdirməmişik”- deyə o, bildirib.
      Mətin, özünü nömrə 1 adlandıran həmkarlarının səhvlərini açıqlamaqdan çəkinməyib: “Səhvləri odur ki, çıxanda deyirlər biz bir nömrəyik və heç kimi rəqib görmürük”.
      Gənc müğənni məşhurluğunda atası Yalçın Rzazadənin rolunun böyük olduğunu və hər zaman bu adın üstündə olacağını xüsusilə vurğulayıb.

Səbinə Zöhrabqızı
Ramal Gülməmmədov

Muz-Tv.az