Xanəndə tamaşanın “Layla”sını ifa etdi

Əməkdar artist Nicat Kazımov ötən mövsümü məhsuldar başa vurub. Onun sözlərinə görə, il ərzində 5 tamaşa hazırlayıb.  

     Əməkdar artist Nicat Kazımov ötən mövsümü məhsuldar başa vurub. Onun sözlərinə görə, il ərzində 5 tamaşa hazırlayıb. Son olaraq təhvil verdiyi “Hekayəti- şahzadeyi- xəzər” tamaşasının sentabrın 22-də premyerası olacaq. “Mövsümün sonunda tamaşaya ictimai baxış keçirildi. Kamran Ağabalayevin pyesi əsasında hazırlanan tamaşa dövlət tərəfindən maliyyələşdirilib” –deyə o, vurğulayıb.
     Rejissor musiqi üzərində qurulan səhnə əsərində tar alətindən istifadə olunduğunu da bildirib. Xanəndə Elnarə Abdullayeva isə tamaşanın “Layla”sını səsləndirib.
    Qeyd edək ki, tamaşada Ağaxan Salmanlı, Elnur Kərimov, Asya Atakişiyeva, Elşən Hacıbabayev, Elşən Şıxəliyev, Təhminə Məmmədova, İlham Əsədov və digər aktyorlar rol alacaq.

 

Aysər Həsənli
Rüfət Qarayev

 

Muz-Tv.az