Bu gün Fəxrəddin Manafovun doğum günüdür

Bu gün Azərbaycanın görkəmli aktyoru, xalq artisti Fəxrəddin Manafovun doğum günüdür.  

    Bu gün Azərbaycanın görkəmli aktyoru, xalq artisti Fəxrəddin Manafovun doğum günüdür. 1955-ci ildə, avqustun 2-də Xankəndidə dünyaya gələn aktyor Azərbaycan Dövlət İncəsənət İnstitutunda təhsil alıb.
    Bu günədək 42 filmdə rol alan Fəxrəddin Manafovu Azərbaycan tamaşaçısı “Təhminə” filmindən sonra daha da sevib. Elə bunun nəticəsidir ki, bu gün çoxları onu “Zaur” kimi çağırır.
    Qeyd edək ki, hazırda aktyor Türkiyə və Azərbaycanın müştərək istehsalı olan “Mahmud və Məryəm” filmində baş rolu oynayır.
     Biz də Xalq artistimizi təbrik edir, şəxsi həyatında və yaradıcılığında müvəffəqiyyətlər arzu edirik!

Aysər Həsənli

Muz-Tv.az