Nicat Məhərrəmov: “O, məni yenidən cəlb etdi”

Gənc müğənni Nicat Məhərrəmov yeni layihələrlə yaradıcılığında dönüş etmək istəyir.  

    Gənc müğənni Nicat Məhərrəmov yeni layihələrlə yaradıcılığında dönüş etmək istəyir. Buna baxmayaraq o, hələ ki, vaxtını istirahətdə keçirir.
    Xatirə İslamla yaddaqalan ifasından sonra Nicat, Roza Zərgərlidən duet təklifi alıb. Bununla kifayətlənməyən gənc ifaçının digər məşhur müğənnilərlə də işbirliyi olacaq: “Sentyabra 3 duet planlaşdırıram. Xatirə İslam, Röya Ayxan və Roza Zərgərli ilə birgə ifalarım olacaq”- deyə o, bildirib.
    Mahnılarında daha çox məhəbbət mövzusuna üz tutmasına gəlincə, müğənni bunun öz sevgi hekayəsindən qaynaqlandığını deyib: “Məktəb illərində 7 il bir insanı sevmişəm və ayrıldıqdan sonra iki dəfə onu görmüşəm. Bir neçə gün əvvəl rastlaşdıq və məni yenidən cəlb etsə də, daha sevginin həyatıma daxil olmasını istəmirəm”.
    Qeyd edək ki, Nicat avqust ayında türkiyəli müğənni Babutsa ilə konsert verməyi planlaşdırsa da, ifaçıların vaxtlarının uyğunsuzluğu konsertin təxirə salınmasına səbəb olub.

Səbinə Zöhrabqızı
Vüsal Həşimov

Muz-Tv.az