Qalmaqalla və yaradıcılıq yenilikləri ilə bir araya gələn ulduzlar

Meyxanaçı Bəhruz Qəmlinin müğənni Rəqsanəni mahnı oğurluğunda ittiham etməsi barədə mətbuata xəbər yayılıb. 

     Meyxanaçı Bəhruz Qəmlinin müğənni Rəqsanəni mahnı oğurluğunda ittiham etməsi barədə mətbuata xəbər yayılıb. Özünü "Yuxumda" adlı mahnının müəllifi kimi təqdim edən meyxanaçı müğənninin bəstəni ondan icazəsiz oxuduğunu söyləyib. Rəqsanəni özbaşınalıqda günahlandıran Bəhruz Qəmli məhkəməyə müraciət edəcəyini bildirib. Ölkədən uzaqda olan müğənni bu məsələyə münasibət bildirib: “Mahnının müəllifini danmıram. Mən onu çox axtardım, ancaq tapa bilmədim. Səfərdən qayıdan kimı televiziya kanallarının birində qonaq olub hər şeyə aydınlıq gətirəcəm”- deyə Rəqsanə söyləyib.
     Xəyanət üzündən ayrılan məşhur aktyorlar Robert Pattinson və Kristian Stüart işbirliyini davam etdirir. Cütlük noyabrda nümayiş olunacaq “Alatoranlıq” filminin son bölümünün reklamı üçün təşkil edilən tədbirə birlikdə qatılacaq.
Qeyd edək ki, Pattinsonun keçmiş sevgilisiylə yenidən danışmağa başladığı və xəyanəti bağışlayacağı da iddialar arasındadır.
     Kenan Doğulu və Beren Saatın 2013-cü ildə ailə quracağı gözlənilir. Cütlüyün eşq macərası hazırda Türkiyə mətbuatında ən çox müzakirə olunan xəbərə çevrilib. Kenan Doğulu artıq Berenin ailəsi ilə də görüşüb. Müğənni açıqlamasında bildirib ki, ən böyük arzusu gözəl ailəyə sahib olmaqdır.
     Əməkdar artist Abbas Bağırov avqustun 29-da 30 yaşını təntənəli şəkildə qeyd edəcək. Bu əlamətdar hadisəyə biganə qalmayan bir qrup pərəstişkar müğənniyə sürpriz etməyi düşünür. Onlar sənətçinin adı ilə bağlı rəsmi fan klubu qeydiyyatdan keçirməyi qarşılarına məqsəd qoyub. Doğum gününə kifayət qədər vaxt qaldığı üçün Abbassevərlər hələ ki, sürprizlərini açıqlamaq istəmir.
     Azəri qızı Günelin fanat səhifəsinə hücum olub. İfaçı “Twitter” mikroblokunda adı ilə bağlı olan səhifələrdən birinin haker hücümüna məruz qaldığını bildirib. Onu izləyən dostlarından dəstək alan sənətçi problemin tez bir zamanda həll ediləcəyinə ümid edir.
     Elmira Ələkbərzadə bir çoxları kimi isti yay günlərində istirahət etməyə üstünlük verir. İfaçı Pirquluda yaxın rəfiqəsinin bağ evində dincəldiyini deyib: “Bura çox gözəldir. Bağı, suyu havası adama ləzzət edir”- deyə o, vurğulayıb. Müğənni avqustun sonunda Amerikaya da yollanacaq. “Sənsiz gecələr”adlı mahnısını ifa edən sənətçi yeni musiqisini payız aylarında tədim edəcək.
     Hazırda bağ evində ailəsi ilə birgə dincələn skripka ifaçısı Ceyhun avqustun sonlarında səfərə yollanacaq. Ailəmlə birgə ya Türkiyədə,ya da Gürcüstanda dincəlmək niyyətindəyəm- deyən ifaçı payızda yeni layihələr təqdim edəcəyini qeyd edib.

Xəyalə Əzozova

Muz-Tv.az