Müğənni Beyonsun ikinci dəfə hamilə olduğu iddia edilir

“Avroviziya-2009” mahnı müsabiqəsinin qalibi Aleksandr Rıbak yeni “Amurun oxu” adlı mahnısına çəkdirdiyi klipində soyunub.
“Avroviziya-2009” mahnı müsabiqəsinin qalibi Aleksandr Rıbak yeni “Amurun oxu” adlı mahnısına çəkdirdiyi klipində soyunub. Həmişə mühafizəkar və sadə stiliylə seçilən müğənni: “ Bilirəm ki, cəsur addım atmışam. Klipin ideyası yarananda və mən çılpaq olacağımı biləndə o dəqiqə razılaşdım. Bu adi reklam strategiyasıdır”, – deyə bildirib. Xatırladaq ki, layihənin ideya müəllifi və rejissoru məşhur klipmeyker Aleksandr Filatoviçdir.
Amerikan mətbuatında müğənni Beyonsun yenidən ana olacağı barədə xəbər yayılıb. Ulduzun pərəstişkarları öz kumirlərinin həyatını yaxından izləyir və bəziləri pop-divanın ikinci dəfə hamilə olduğuna əmindir. Tədbirlərin birində çəkilən şəkillər bu xəbəri bir daha təsdiq edib. Qeyd edək ki, Beyons qızı Blu Ayvinin doğumundan sonra özünü yaradıcılığına və karyerasına həsr edəcəyinə söz verib.
Keçən il əməliyyat keçirən və səsini itirmə təhlükəsi ilə üzləşən ingilis müğənni Adel dünya turnesinə çıxmaqdan imtina edib. 9 aylıq hamilə olan 24 yaşlı ulduz: “200 konsertlik turneyə çıxsam xəstəliyim ciddiləşə bilər və səsimi itirərəm. Həkimlər belə ağır rejimlə bacarmayacağımı söylədi”, -deyə məsələyə münasibət bildirib.
Avstraliyalı müğənni Kayli Minoq öz yeni sinqılını təqdim edib. 44 yaşlı pop-ulduz bacısı Danni Minoqun balaca oğlundan ilham alaraq yazdığı “Flowers” adlı təsirli balladasını gələcək körpəsinə həsr etdiyini deyib. Xatırladaq ki, 2010-cu ildə avstraliyalı gözəl tutulduğu xərçəng xəstəliyi üzündən bəlkə də heç vaxt ana ola bilməyəcəyini etiraf edib: “Körpə sahibi olmağı hər şeydən çox istəyirəm. Amma nə vaxtsa ana ola biləcəyimə əmin deyiləm. Zaman göstərəcək”.
Sahilə Aslanova
Muz–Tv.az