Tünzalə Ağayeva “Menar”ını təqdim etdi

Əməkdar artist Tünzalə Ağayeva sosial layihənin təmsilçiliyini edəcək.
Əməkdar artist Tünzalə Ağayeva sosial layihənin təmsilçiliyini edəcək. Belə ki, müğənni azyaşlı uşaqların əqli inkişafını artırmaq məqsədilə Azərbancanda “Menar” kurslarını təşkil edib. Bildirək ki, “Menar” məktəbində dərslər oktyabrın 5-də başlayacaq və uşaqlarla Türkiyədən dəvət olunan “Menar” məktəbinin mütəxəssisləri məşğul olacaq. Layihənin rəhbəri Halid Şen Muz Tv-yə açıqlamasında Azərbaycanın bu işdə maraqlı olduğunu və əməkdar artistin belə bir təşəbbüslə çıxış etməsindən sevinc hissi duyduğunu bildirib.
“Menar” məktəbinin məzunu, bu il Türkiyədə keçirilən olimpiyadanın qalibi 9 yaşlı Batu-Eren bacarığı ilə tədbirdə iştirak edən hər kəsi təəccübləndirib. Eyni anda bir neçə işlə məşğul olan bu istedadlı uşağı biz də yoxlamaq qərarına gəldik. Əgər onun bu məharətinə siz də şahid olmaq istəyirsinizsə, onda süjetimizi izləyin.
Aysər Həsənli
Vüsal Haşımov
Muz-Tv.az