Nikolay Baskov: “Filip Kirkorovun yaradıcılığını bəyənmirəm”

Nikolay Baskov: “Filip Kirkorovun yaradıcılığını bəyənmirəm”

Türkiyəli aktrisa Sinəm Kobal “Atletiko Madrid” komandasında oynayan Arda Turana əlaqələrinin üçüncü ilində xüsusi sürpriz edib. 

     Türkiyəli aktrisa Sinəm Kobal “Atletiko Madrid” komandasında oynayan Arda Turana əlaqələrinin üçüncü ilində xüsusi sürpriz edib. O, sol ayağının topuğunda futbolçu sevgilisinin adının baş hərfini döydürüb. “A” hərfini daha əvvəl də bilərzik və boyunbağı şəklində özüylə gəzdirən aktrisa bu jestiylə Arda Turanı çox xoşbəxt edib. 
     Amerikalı müğənni Cennifer Lopez turnesi çərçivəsində gəldiyi Belarusiyada küçə musiqiçiləri ilə birlikdə kiçik konsert verib. Maşınından düşərkən ulduza yaxınlaşan musiqiçilər onun mahnılarından birini milli koloritlərlə oxumağa başlayıb. Əvvəlcə musiqini tanımayan Cennifer daha sonra onlarla birgə ifa edib. Müğənni bu küçə şousundan o qədər heyrətə gəlib ki, onları möcüzə adlandıraraq birlikdə şəkil də çəkdirib.
     Məşhur britaniyalı müğənni Sara Braytman oktyabrın 10-da beynəlxalq kosmik stansiyaya edəcəyi səfər barədə məlumat verib. Kosmosa turistik səyahət etmək 52 yaşlı ulduzun çoxdankı arzusu imiş. Bunun üçün o, potensial kosmik turist axtarışları aparan “Space Adventures” kompaniyası ilə danışıqlara da başlayıb. 
Xatırladaq ki, 180-dən çox qızıl və platin mükafatları olan Braytman məşhur “Opera kabusu” və “Pişiklər” müzikllarının ulduzudur. 
     Rusiyanın məşhur müğənnisi Nikolay Baskov öz həmkarları ilə münasibətindən bəhs edib. Bu yaxınlarda baş tutacaq konsertindən söhbət açan ulduz bir çox məşhurların ona paxıllıq etdiyini deyərək, xüsusilə Filip Kirkorovu tədbirdə görmək istəmədiyini vurğulayıb. Baskov müğənninin yaradıcılığını bəyənmədiyini də sözlərinə əlavə edib. O, qeyd edib ki, Filip Kirkorovdan başqa hər kəs üçün tədbirin qapıları açıq olacaq.

 

Sahilə Aslanova

 

Muz-Tv. az