“Üzeyir Hacıbəyovun Ev Muzeyində konsert keçirildi

“Üzeyir Hacıbəyovun Ev Muzeyində konsert keçirildi

Üzeyir Hacıbəyli IV Beynəlxalq Musiqi Festivalı çərçivəsində daha bir tədbir keçirilib.  

     Üzeyir Hacıbəyli IV Beynəlxalq Musiqi Festivalı çərçivəsində daha bir tədbir keçirilib. Görkəmli bəstəkarın ev muzeyində reallaşan konsert proqramında istedadlı gənclər çıxış edib. Muzeyin direktoru Sərdar Fərəcov açıqlamasında festival müddətində bu musiqi ocağına gələn gənclərin sayının artdığını bildirib. 
     Muz Tv-nin məlumatına görə, tədbirdə çıxış edən violin ifaçısı Nərgiz Hüseynova Fikrət Əmirovun “Məhəbbət rəqsi” və Üzeyir Hacıbəyliyə həsr olunan “Xatirələr” əsərini ifa edib. Trombonun müşayiəti ilə tamaşaçıların zövqünü oxşayan Tural Tağıyev isə “İldırımlı yollarla” baletindən bir hissə səsləndirib. 
     Qeyd edək ki, Üzeyir Hacıbəyli IV Beynəlxalq Musiqi Festivalı Heydər Əliyev Fondunun dəstəyi və Mədəniyyət və Turizm Nazirliyinin təşkilatçılığı ilə keçirilir.

 

Aysər Həsənli 
Vüsal Həşimov

 

Muz-Tv.az