Abbas Bağırov- Ramal İsrafilov qalmaqal yeniden alovlandi

Abbas Bağırov- Ramal İsrafilov qalmaqal yeniden alovlandi

Müğənni Elçin Hüseynov özünü musiqi səhnəsinin ən kasıb müğənnisi elan edib. Sənətçi yerli saytlardan birinə açıqlamasında maddi vəziyyətinin yaxşı olmadığını deyib. 

      Müğənni Elçin Hüseynov özünü musiqi səhnəsinin ən kasıb müğənnisi elan edib. Sənətçi yerli saytlardan birinə açıqlamasında maddi vəziyyətinin yaxşı olmadığını deyib: “Şou-biznesdə bəzi qaydalar var ki, onları qəbul edə və əməl edə bilmirəm. Bütün müğənnilər maddi cəhətdən yaxşı təmin olunub. Onların öz evlərini, villalarını, avtomobillərini reklam etmələri mənim xoşuma gəlmir.Həmkarlarım arasında maddi təminata görə mən ən axırıncı yerdəyəm. Çünki mənim heç nəyim yoxdur", - deyə müğənni şikayətlənib. 
     Bİr neçə gündür radio dalğalarında səslənən və maraqla qarşılanan “Sığortasız sevgi” mahnısının bəstəkarı Pərviz Mahmudov ifaçılığa geri qayıtmasından danışıb. Vaxtilə ifaçı kimi karyeraya qədəm qoyan lakin sonralar bəstəkarlıqda qərar tapan Pərviz deyib ki, lirik notlar üzərində yazılan “Sığortasız sevgi ” nağıllar kimi gözəl bitəcəyi şübhəli olan sevgidən bəhs edir. “Bu, dostlarım Leyli və Hakan tərəfindən mənə bir hədiyyədir. Bəstəkarlar adətən pərdəarxasında qalır, onların yalnız imzaları eşidilir və tanınır. Hər halda ifaçılıq sənətini bəstəkarlıq sənəti kimi sevirəm və hörmətlə yanaşıram”.
     Əməkdar artisti Abbas Bağırovla bəstəkar-müğənni Ramal İsrafilov arasındakı mahnı qalmaqalı yenidən gündəmə gəlib. Abbasın ifasında sevilən “Aləm gözəl” mahnısının əsl adının “Xoşbəxt sevgi” olduğunu deyən Ramal israrla bəstəni Anar Məmmədovun yazmadığını iddia edib, özünü müəllif kimi təqdim edib.Xalq artisti Brilliant Dadaşovanın mübahisəli mahnını repertuarına daxil etməsi qalmaqallı ocağı yenidən alovlandırıb. Azərbaycan şairi Nizami Gəncəvinin anadan olmasının 870 illiyi münasibəti ilə Gəncə şəhərində təşkil olunan konsertdə səhnəyə çıxan xanım Dadaşova bu mahnını ifa edib.Amma o, müəllif kimi heç kimin adını vurğulamayıb.
     Ürək-damar xəstəliyindən əməliyyat olunan Azərbaycanın xalq artisti, Musiqili Komediya Teatrının aktrisası Afaq Bəşirqızının hazırda vəziyyəti yaxşılaşıb.Aktrisanin həyat yoldaşı Afaq xanımın vəziyyətinin yaxşı olduğunu bildirdi: “Hazırda palata şəraitindədir. Özünü yaxşı hiss edir. Hər gün yanına sənət yoldaşları gəlib baş çəkir.Xəstəxananın baş həkimi Leyla Seyidbəyli Afaq Bəşirqızının vəziyyətinin normal olduğunu və 2 həftədən sonra evə buraxılacağını bildirib”.
     Xanəndə Gülay Qədirova əvvəlki ideal görünüşünə qayıdıb. Ana olduqdan sonra çəkisi 72 kiloqrama çatan müğənni həyat yoldaşının köməkliyi ilə arıqlaya bilib : “Övladım dünyaya gəldikdən sonra artıq kilo almışdım. Hazırda həyat yoldaşım Kamilin sayəsində 56 kiloqramam”. Gülay yaradıcılıq işlərindən də söz açıb: “ Ceyhun Əliyevin sözlərinə aid olan “Nigaranam” adlı mahnısı işiq üzü görəcək. Ancaq adıçəkilən musiqiyə klip çəkdirmək fikri yoxdur”.

 

Xəyalə Əzizova

 

Muz-Tv.az