Məşhur aktrisa ailə həyatı qurdu

Məşhur aktrisa ailə həyatı qurdu

Cənubi koreyalı repçi PSY –nin “Gangnam Style” mahnısı Böyük Britaniyanın musiqi sıralamasında ilk sıranı tutub. 

    Cənubi koreyalı repçi PSY –nin “Gangnam Style” mahnısı Böyük Britaniyanın musiqi sıralamasında ilk sıranı tutub. Mahnı Britaniya hit-paradlarında öz yerini tutandan sonra iki həftə içində on üçüncü sıradan ilk sıraya yüksələrək İrlandiyanın “The Script” qrupunu zirvədən endirib. Bundan başqa, repçinin Youtube-da yerləşdirilmiş klipi ən çox bəyənilən və 330 milyon izlənmə sayıyla ən çox izlənilən video sırasına daxil olub. Xatırladaq ki, Seulun ən varlı rayonlarından biri olan Kannamın şərəfinə “Ganhnam Style” adlanan sinql 2012-ci ilin noyabrında işıq üzü görüb. Mahnı sürətlə məşhurlaşaraq MTV Avropa musiqi mükafatları yarışmasında “Ən yaxşı video” nominasiyasında namizəd olub. 
    Məşhur Amerika aktrisası Enn Hetevey aktyor və cəvahirat dizayneri Adam Şulman ilə evlənib. Cütlüyün Kaliforniyada təşkil olunan toy mərasimində təqribən yüz adam iştirak edib. 
Qeyd edək ki, 2009-cu ildən bəri birlikdə olan 29 yaşlı Enn Heteveylə 31 yaşlı Şulman noyabr ayında nişanlanıblar. 
    Türkiyədə yeni çəkilən “Kəpənəyin yuxusu” filmi üçün xeyli arıqlayan məşhur aktyor Kıvanç Tatlıtuğ bel ağrısı şikayəti ilə həkimə müraciət edib. Fasiləsiz idman edən ulduzun həddən artıq yüklənmə nəticəsində belini zədələdiyi məlum olub.
Xatırladaq ki, o, filmin çəkilişlərindən sonra Londona səfərə gedib. Aktyorluq imkanlarını daha da inkişaf etdirmək istəyən sənətçi teatr təhsilinə qaldığı yerdən davam etmək fikrindədi.
    Türkiyəli aktrisa Hülya Avşar bu ilin mart ayında iş üçün getdiyi Van vilayətində zəlzələ qurbanları olan müəllimlərlə görüşüb və onlara bir müəllim evi tikəcəyinə söz verib. Sənətçi sözünü tutaraq gələn həftə yeni müəllimlər evini Van xalqına təqdim edəcək. Xatırladaq ki, aktrisa daha əvvəl də atası Cəlal Avşarın adına Maltəpədə məktəb tikdirib.

 

Sahilə Aslanova

 

Muz–Tv.az