Elton Hüseynəliyev Türkiyədən rejissor dəvət etdi

Yaradıcılığında 3 aylıq fasilə verən Elton Hüseynəliyev sevənlərinin qarşısına bol-bol yeniliklərlə dönüb.  

     Yaradıcılığında 3 aylıq fasilə verən Elton Hüseynəliyev sevənlərinin qarşısına bol-bol yeniliklərlə dönüb. Mahnılar üzərində işləyən, klip çəkdirməyi planlaşdıran, albom çıxartmaqda qərarlı olan ifaçı hətta xeyli sayda duet ifa etmək üçün musiqilər də yazdırıb. Belə ki, o, “Gecə gözlüm” və “Gözlər badamı” mahnılarını tez bir zamanda sevənlərinin ixtiyarına verəcək. Elton ölkəmizə Türkiyədən rejissor dəvət edib. Buna səbəb isə onun adıçəkilən mahnılarından birinə ekran həyatı vermək istəməsidir. 
    Xalq artisti Aygün Kazımova ilə duetlərindən ibarət albom çıxartmağı planlaşdıran Elton bununla kifayətlənməyəcək. Belə ki, o sevənlərinə öz solo ifalarından təşkil olunmuş yeni musiqi toplusunu da təqdim edəcək.
    Qeyd edək ki, Elton Hüseynəliyev gələn ilin elə ilk ayında konsert proqramı ilə çıxış etməyi düşünür.

Səbinə Zöhrabqızı

Rüfət Qarayev

 

Muz-Tv.az