Seda Sayan səhnə geyimlərini və aksesuarlarını satışa çıxartdı

Məşhur türkiyəli müğənni Seda Sayan səhnədə və televiziya proqramlarında istifadə etdiyi geyimləri və aksesuarları internet vasitəsilə satışa çıxarıb.  

    Məşhur türkiyəli müğənni Seda Sayan səhnədə və televiziya proqramlarında istifadə etdiyi geyimləri və aksesuarları internet vasitəsilə satışa çıxarıb. O, bildirib ki, əldə olunan gəlir şəhid ailələrinə veriləcək.
Qeyd edək ki, ulduzun bu addımı atmasına səbəb ölkədə baş verən terror hücumları nəticəsində övladlarını itirən ailələrə kömək etmək istəməsidir.
    Ingiltərəli müğənni Corc Maykl psixoloji problemləri üzündən qastrol səfərlərini təxirə salmaq məcburiyyətində qalıb. Bir il əvvəl ciyərlərindəki soyuqdəymə səbəbindən müalicə olunan ulduzun ruhi vəziyyəti tamamilə pozulub. Yunan əsilli ulduz hətta Avstraliyada baş tutması planlaşdırılan 9 konsertdən də imtina etməli olub.
    Mərhum pop ulduzu Maykl Ceksonun əfsanəvi “Bad” albomunun 25 yaşı tamam oldu. Müğənninin bütün müəlliflik hüquqlarının sahibi olan “Sony” kompaniyası bu hadisəni xüsusi şəkildə qeyd etmək qərarına gəlib. Kompaniya Mayklın fanatlarıyla birlikdə çəkilmiş videosunu yayımlayıb. Məşhur rejissor Martin Skorsezenin çəkdiyi videoda minlərlə yapon pərəstişkar “Bad” musiqisi altında rəqs edib. 
    Türkiyəli müğənni Hande Yener sözləri və musiqisi Sinan Akçıla aid olan “Dön bana” adlı mahnısına klip çəkdirib. Hollandiyanın paytaxtı Amsterdamda ərsəyə gətirilən bu ekran əsərinin rejissoru Kamal Doğuludur. Müğənninin fanatları səbirsizliklə gözlədikləri bu klipi çox bəyənib.

 

Sahilə aslanova

 

Muz–Tv.az