Sevda Ələkbərzadə mağarada konsert verdi

Gənc müğənni Zarina Məmmədova “Gedərəm” adlı yeni mahnı təqdim edib. Musiqisi Emin Kərimiyə, sözləri Leyli İsrafilovaya məxsus olan bu ifanı Hakan Erol aranjeman edib. 

    Gənc müğənni Zarina Məmmədova “Gedərəm” adlı yeni mahnı təqdim edib. Musiqisi Emin Kərimiyə, sözləri Leyli İsrafilovaya məxsus olan bu ifanı Hakan Erol aranjeman edib. İfaçı vurğulayıb ki, lirik notlar üzərində yazılan mahnını dinləyən hər kəs ifadan razı qalır. 
   Azərbaycan estradasının tanınmış müğənnisi Elariz Məmmədoğlu həmkarlarının qazandığı pullardan danışıb. O, hətta müğənnilərin konsert verməkdən çəkinmələrinin səbəbini də açıqlayıb: “Şou-biznes nümayəndələri ancaq toylardan pul qazanır. Buna görə də onlar konsert verməkdən çox toylara getməyi üstün tutur. Çünki konsert proqramı ilə çıxış edən ifaçıların əksəriyyəti ziyana düşür”. 
   Əməkdar artist Tünzalə Əliyeva birmənalı qarşılanmayan fikirlər səsləndirib. O, bildirib ki, plastik əməliyyatdan qorxmur. "Keçirdiyim sonuncu əməliyyatdan sonra dayanmaq fikrində deyiləm. Artıq çəkilərimdən azad olmaq üçün dəfələrlə bu addımı atmağa hazıram”.
    İsraildə Dünya Musiqi festivalında iştirak edən əməkdar artist Sevda Ələkbərzadə bu ölkədə həm də konsert proqramı ilə çıxış edib. Əcnəbi musiqiçilərin müşayiəti ilə mahnıları həm yəhudi, həm də Azərbaycan dilində ifa edən müğənninin konserti qədim bir mağarada keçirilib. Yerdə əyləşən tamaşaçılar əməkdar artistin ifalarına diqqətlə qulaq asıb. Müğənninin sözlərinə görə, mağaranın ab-havası çox gözəl olub. Qeyd edək ki, Sevda Ələkbərzadə konsertində “Şur” muğamını ifa edib.
    ”Həmkarlarım məndən küsə bilər, bu çox normaldır". Bu sözləri Aygün Kazımova Elza Seyidcahan haqqında danışarkən deyib. Xalq artisti vurğulayıb ki, Elza xanımın pəhriz saxladığını düşünüb, bu səbəbdən ona tort uzatmayıb: “ Düşünmürəm ki, o, 7 min kalorilik tortu yemədisə, dünya dağılacaq. Belə şeylərdən incimək lazım deyil" – deyə xanım Kazımova söyləyib. 

Xəyalə Əzizova

 

Muz-Tv.az