Müğənni: “Fəxr edirəm ki, sponsorum ...”

 Fəxr edirəm ki, sponsorum qardaşımdır” - deyən Xatun özünə yeni bir avtomobil alıb.

    Fəxr edirəm ki, sponsorum qardaşımdır” - deyən Xatun özünə yeni bir avtomobil alıb. Lap dəqiqi bu bahalı maşını ona qardaşı, tanınmış stilist Balaş hədiyyə edib: “Səhnəyə gəldiyim gündən yaradıcılığıma xərclədiyi pulları üst-üstə toplasaydı, bəlkə də yeni bina tikdirərdi. Allah onu mənə çox görməsin. Nə yaxşı ki, belə bir qardaşım var”. Avtomobili nəğd aldıqlarını diqqətə çatdıran müğənni, səsindən də pul qazandığını gizlətməyib. 
    Əli Mirəliyev tanınmış müğənni Röya Ayxanla duet oxumaq arzusundadır. Bu barədə danışan müğənni bildirib ki, Röyanın səsini çox bəyənir. Xanım Ayxanın Əli Mirəliyevin bu təklifinə necə cavab verəcəyi hələlik məlum deyil. Qeyd edək ki, Əli Mirəliyev bir müddət əvvəl Röya Ayxan barəsində: “Fəxri ad almaq onun üçün hələ tezdir, üç-beş mahnı oxumaqla bunu qazanmaq olmaz”, - deyib.
    Şou-biznesə iddialı adımlarla gələn müğənni Günay İbrahimli maraqlı açıqlama verib. O , bildirib ki, əlinə mikrafon alıb oxumağa başlayan zaman adını unudacaq qədər mahnıya alüdə olur: “Həmişə demişəm ki, mənim üçün əsas sənətdir. Səhnəyə çıxdığım zaman mahnıdan başqa heç nə düşünmürəm. Mən tamaşaçının qarşısında çıxış edirəmsə, demək ki, onlara nümayiş edəcək ifamdan başqa heç nə haqqında fikirləşməməliyəm”.

 

Xəyalə Əzizova

 

Muz-Tv.az