Tarkan evlilik haqqında danışdı
Türkiyənin məşhur müğənnisi Rafet El Roman yenə Bakıya gələcək. İfaçı Qəbələdə yerləşən otellərdən birində konsert proqramı ilə çıxış etməyi planlaşdırır.
Türkiyənin məşhur müğənnisi Rafet El Roman yenə Bakıya gələcək. İfaçı Qəbələdə yerləşən otellərdən birində konsert proqramı ilə çıxış etməyi planlaşdırır. Tədbirin tarixi isə dekabrın 31-i Dünya Azərbaycanlılarının həmrəylik günü və Yeni il bayramına təsadüf edəcək.
Konsertin təşkilatçısı Nahid Emiloğlu: “Gecənin bir çox sürprizlərlə yadda qalacağına ümid edirəm. Səhnədə Rafeti rəqs qrupu müşayət edəcək. Həmin gün azərbaycanlı ulduzların da müğənniylə eyni səhnəni paylaşması nəzərdə tutulur” - deyə bildirib.
Son zamanlar həddən artıq kökəldiyinə görə tənqid edilən amerikalı müğənni Kristina Agilera arıqlamayacağını söyləyib. “Billboard” jurnalına müsahibə verən 31 yaşlı ulduz etirazını bildirərək: “Əvvəl çox arıq olduğuma görə tənqid edilirdim. Indi də kök olduğumu deyirlər. Daim çəkimi qorumaqdan bezdim. Artıq belə qalacağam”, -deyə əlavə edib.
Türkiyənin məşhur müğənnisi Tarkan evlilik haqqında səmimi açıqlamalar verib. Meqastar evliliyə isti münasibət bəsləmədiyini bildirib. “Mən qısa müddətli, kiçik səbəbdən dağılan evliliyə yaxşı baxmıram. Atam və anam kimi ömrümün sonuna qədər sevdiyim və evləndiyim qadınla birlikdə olmaq istəyirəm. Indiki dövrdə bu asan başa gəlmədiyinə görə tələsməməyə çalışıram”, -deyə ulduz əlavə edib.
“Facebook” sosial şəbəkəsinin qurucusu Mark Zukerberq Moskva Dövlət Universitetində bir seminarda iştirak edib. Qısa nitq söyləyən 28 yaşlı proqramçı daha sonra tələbələrlə söhbət edib. Bütün mövzularda səmimi açıqlamalar verən Mark bir sual qarşısında çıxılmaz vəziyyətdə qalıb. O, ən sevdiyi kitabın adı soruşulanda özünü itirib və nadir hallarda belə sualla üz-üzə qaldığını etiraf edib. Buna baxmayaraq, gənc milyarder cavab verməkdən çəkinib. Tezliklə “Facebook”un rusiyalı təmsilçiləri Markın gecikdiyini bəhanə
edərək onu bu gərgin vəziyyətdən xilas edib.
Sahilə Aslanova
Muz–Tv.az