Çingiz Mustafayevin qeyri-adi bacarığı

Özünə səsyazma studiyası açan Çingiz Mustayev bildirib ki, musiqisi və sözləri özünə aid olan yeni mahnı ərsəyə gətirib. 

    Özünə səsyazma studiyası açan Çingiz Mustayev bildirib ki, musiqisi və sözləri özünə aid olan yeni mahnı ərsəyə gətirib: “Adını hələ açıqlamaq istəmədiyim mahnı nə ritmik, nə də lirik olacaq. Sadəcə deyə bilərəm ki, qeyri-adi üslubdadır. Sözləri isə həsrətdən bəhs edir. Hazır olan kimi rejissora təqdim edəcəyəm. Əgər o razılıq versə, klip çəkilişlərinə başlayacayıq”- deyə Çingiz bildirib.
    Həm şair, həm bəstəkar, həm də gitara ifaçısı kimi tanınan müğənninin daha bir bacarığı var. Rəssamlıqla da məşğul olduğunu deyən Çingiz ən son çəkdiyi rəsm əsərindən danışıb: “Son əsərimi avqustda çəkmişdim. Meduza formasında, abstrakt bir əsər idi. Həmin şəkildə gipsdən və qadın dırnaqlarından istifadə etmişdim”.
   O, qeyd edib ki, öz solo yaradıcılığına yetərincə vaxt ayıra bilmir. Buna səbəb isə onun rəhbərlik etdiyi “Palmas” qrupuna daha çox diqqət göstərməsidir. İfaçı onu da vurğulayıb ki, həm solo, həm “Palmas” qrupunun ifalarından ibarət yeni albomu da işıq üzü görəcək.

Səbinə Zöhrabqızı
Vüsal Həşimov

 

Muz-Tv.az