Xalq artisti ildə iki dəfə doğum gününü qeyd edəcək

Müğənni Rəqsanə albom hazırlığı ilə məşğuldur. Bu səbəbdən o, gah Moskva, gah da Türkiyədə olur.  

   Müğənni Rəqsanə albom hazırlığı ilə məşğuldur. Bu səbəbdən o, gah Moskva, gah da Türkiyədə olur. Sənətçinin sözlərinə görə, hər iki ölkədə peşəkar heyətlə çalışır. İfaçı həmçinin vurğulayıb ki, gələn həftə işlərini yekunlaşdırıb, Bakıya qayıdacaq. Xatırladaq ki, qarşıda Rəqsanəni klip çəkilişi gözləyir. Müğənni vəd etdiyi digər yaradıcılıq planlarını da vətənə qayıdan kimi həyata keçirəcək. 
   Azərbaycanın tanınmış müğənnisi Nadir Qafarzadə yeni klip çəkilişlərinə başlayır. Müğənni “Qar ağacı” mahnısına ekran həyatı verəcək. 20 nəfər aktyorun cəlb edildiyi klipin rejissoru Nail Naiboğludur. Qeyd edək ki, çəkilişlər Maştağa qəsəbəsində aparılır.
   Azərbaycanın və Dağıstanın xalq artisti müğənni İlhamə Quliyeva avqustun 25-də keçirmiş olduğu ürək əməliyyatının tarixini bundan sonra ikinci doğum günü kimi keçirəcək. Xalq artisti onu vurğulayıb ki, yaxın günlərdə sevdiklərini bir araya yığıb, sağlamlığına qovuşmasını təmtəraqla qeyd edəcək.
   Əməkdar incəsənət хadimi, tanınmış bəstəkar Ruhəngiz Qasımova növbəti dəfə gözündən əməliyyat olunub. Bəstəkar açıqlamasında bildirib ki, görmə qabiliyyətində problem olduğu üçün bu addımı atmağa məcbur olub. Ruhəngiz xanım qeyd edib ki, artıq evə buraxılıb və vəziyyəti yaxşıdır.

 

Xəyalə Əzizova

 

Muz-Tv.az