Cenifer Lopez nişanlandı

Məşhur müğənni Cenifer Lopez nişanlanıb. Kameralara tuş gələn ulduzun barmağındakı üzük hər kəsin diqqətini çəkib. 

    Məşhur müğənni Cenifer Lopez nişanlanıb. Kameralara tuş gələn ulduzun barmağındakı üzük hər kəsin diqqətini çəkib. İstirahətdən yeni qayıdan Ceniferin Fransanın paytaxtı Parisdə sevgilisi Kasper Smartla nişanlandığı iddia olunur.
    Dünya şöhrətli amerikalı repçi Basta Rayms noyabrın 10-da Bakıda konsert proqramı ilə çıxış edəcək. Tədbirin “Buta Palace”da reallaşacağı güman edilir. Məşhur ulduzla birlikdə səhnədə repçi Spliff Starın da çıxışı gözlənilir. Konsertə biletlərin qiyməti 40-200 manat arasında təyin edilib. Mərasimə 18 yaşdan aşağı şəxlərin girişinin qadağan olunacağı bildirilib. Zərurət yaranarsa, yaş həddi şəxsiyyət vəsiqəsi vasitəsilə yoxlanılacaq. 
    2013-cü ilin yazında Stokholmda “ABBA” qrupuna həsr olunan muzey açılacaq. Qrupun üzvlərindən Börn Ulveusun sözlərinə görə, sərgidə onların şəxsi əşyaları, səhnə geyimləri, çalğı alətləri nümayiş ediləcək.
Xatırladaq ki, “ABBA” qrupu 1970-ci ildən 1982-ci ilədək fəaliyyətini davam etdirib. Dördlüyün ilk albomu “Ring ring” adlanır. 
    Rusiyalı müğənni Boris Moiseyev ölkənin olimpiya komitəsindən gözlənilməz təklif alıb. Belə ki, o, 2014-cü ildə Soçidə keçiriləcək olimpiya oyunlarında könüllü rolunda iştirak edəcək. Ifaçı heç bir təmənna gözləmədən idmançılara kömək edən 25 min könüllüdən biri olacaq. Amma Boris Moiseyevin hansı vəzifəni daşıyacağı hələ açıqlanmayıb.

Sahilə Aslanova

 

Muz–Tv.az