Filip Kirkorovun konserti təxirə salındı

Dünyaca məşhur “Pussycat dolls” qrupunun bu ilin dekabr ayında Bakıda konsert proqramı ilə çıxış edəcəyi gözlənilir.  

     Dünyaca məşhur “Pussycat dolls” qrupunun bu ilin dekabr ayında Bakıda konsert proqramı ilə çıxış edəcəyi gözlənilir. Tədbiri “Event” kompaniyası təşkil edir. Hazırda qrupun menecerləriylə danışıqlar aparılır. Yalnız bundan sonra “Pussycat dolls”un Bakı konsertinin harada və nə zaman reallaşacağı elan ediləcək. Xatırladaq ki, baş vokalisti Nikol Şerzinger olan qrup ilk uğurunu 2005-ci ildə “PSD” adlı albomu ilə qazanıb.
    Fransız iş adamı ilə evli olan 46 yaşlı məşhur meksikalı aktrisa Salma Hayek verdiyi səmimi açıqlamada hələ də filmlərə çəkilməsinin böyük möcüzə olduğunu deyib. Qısa müddət əvvəl Oliver Stounun çəkdiyi “Vəhşilər” filmini bitirən ulduz: “Hollivudda 40 yaşlı qadın olmaq başınıza gələ biləcək ən dəhşətli hadisədir. Üstəlik meksikalıyam, ləhcəylə danışıram, kök və qısa boyluyam. İndiyə qədər işləyə bildiyimə görə çox şanslıyam”, -deyə əlavə edib.
   “Ceyms Bond” silsiləli filmlərin sonuncusu olan “Skayfol”un soundtreki internetdə yayımlanıb. Premyerasından bir neçə saat sonra minlərlə insan tərəfindən dinlənilən mahnını məşhur amerikalı müğənni Adel ifa edib. Heyranların fikrincə soundtrek Bond musiqisinin klassik stilində yazılıb. Qeyd edək ki, mahnının müəllifləri Adel və Pol Epvortdur. 
   Rusiyalı müğənni Filip Kirkorovun noyabrın 8-nə təyin edilmiş ikinci konserti ləğv edildi. İfaçı Heydər Əliyev sarayında yalnız noyabrın 9-da çıxış edəcək. Noyabrın 8-nə nəzərdə tutulmuş əlavə tədbir isə mətbuatda həddən artıq reklam olunması səbəb göstərilərək ləğv edilib. Bu barədə konsertin bilet satışlarını reallaşdıran “UR Stile Baku” məlumat verib. Xatırladaq ki, Filip konsertində bakılılara öz yeni 3D şou proqramını təqdim edəcək.

 

Sahilə Aslanova

 

Muz–Tv.az