Brilliant Dadaşova və Rəhim Rəhimli Naxçıvanda konsert verəcək

Tanınmış bəstəkar-müğənni Rəhim Rəhimli çox yaxın günlərdə xalq artisti Brilliant Dadaşova ilə birlikdə Naxçıvanda konsert verəcək.  

    Tanınmış bəstəkar-müğənni Rəhim Rəhimli çox yaxın günlərdə xalq artisti Brilliant Dadaşova ilə birlikdə Naxçıvanda konsert verəcək. Onun sözlərinə görə, tədbir oktyabrın 7-nə planlaşdırılsa da, danışıqlardan sonra 12-nə qədər təxirə salınıb. Xatırladaq ki, bu səfərdə musiqiçilərlə yanaşı rəqqasların da çıxışı gözlənilir.
    Barmağındakı brilliant üzük səbəbindən "nişanlı" olduğu iddia edilən meyxanaçı Namiq Qaraçuxurlu ona olunan zənglərdən, suallardan bezib. Şəxsi həyatı ilə gündəmə gəlməyindən narahat olan söz ustası bununla bağlı danışmaq qərarına gəlib. Meyxanaçı bildirib ki, üzük ona hədiyyədir: “Kim brilliant üzük taxırsa demək nişanlıdır? Nişan-toy mövzusundan artıq bezmişəm” –deyə Namiq Qaraçuxurlu əlavə edib.
    İfaçı Çingiz Mustafayev saçlarının stilini dəyişməyə risk etmir. Bu barədə o, özü açıqlama verib. Müğənni bildirib ki, pərəstişkarlarının bunu pis qarşılayacağından qorxur. Çingiz Mustafayev həmçinin qeyd edib ki, özü də nə edəcəyinə qərar verə bilmir. 
    Bir neçə ildir aparıcılıq edən populyar müğənni Könül Kərimova şou –biznesdə ilkə imza atıb. Moskvaya getdiyi toydan 26.000 manat məbləğində qonorar alan müğənni hər kəsi təəccübləndirib. Bununla da Könül Kərimova ən bahalı toya gedən müğənnilər siyahısında birinci yerdə dayanıb.

 

Xəyalə Əzizova

 

Muz-Tv.az