Dima Bilan şəxsi ətir markasını təqdim edəcək

Rusiyalı müğənni Dima Bilan şəxsi ətir markasını təqdim etməyə hazırlaşır. Məhsul məhşur “Azzaro” brendlərinin adı altında istehsal olunacaq.  

    Rusiyalı müğənni Dima Bilan şəxsi ətir markasını təqdim etməyə hazırlaşır. Məhsul məhşur “Azzaro” brendlərinin adı altında istehsal olunacaq. “DB” adlı qoxunun noyabrda Rusiya mağazalarında öz yerini tutacağı gözlənilir. Ətrin qiyməti 38 manat olaraq təyin edilib. Bu yeniliyin əsas xüsusiyyəti hər qoxuyla birlikdə Bilanın yeni albomunun da hədiyyə ediləcəyidir.
   Mərhum amerikalı pop ulduzu Maykl Ceksonun müğənni olan bacısı Canet Cekson qətərli bir milyarderlə evlənir. O, gələn il sevgilisi Vissam əl-Mana ilə Dohada 20 milyon dollar xərcləyərək müsəlman adətlərinə uyğun təşkil etdikləri toy mərasimi ilə ailə qurmağa hazırlaşır. Cütlük toya xaricdən gələn qonaqlar üçün 3 milyon dollarlıq şəxsi təyyarə təsis edib. 500 insanın iştirakı gözlənilən mərasimdə bəyin qonaqlara 10 milyon dollar dəyərində “Rolex” markalı saat hədiyyə edəcəyi bildirilir.
    Məşhur müğənni Ledi Qaqa yenə də diqqətləri üzərinə çəkməyi bacarıb. Belə ki, 26 yaşlı ulduz Fransada soyuq və dumanlı günlərdən birində açıq-saçıq geyimlə dolaşıb. Böyük cangüdən dəstəsi ilə gəzən müğənninin özündən əmin davranışı hər kəsi heyrətləndirib. 
Xatırladaq ki, Ledi Qaqa gələn həftə Reykyavikdə xeyriyyə işlərindəki iştirakına görə Con Lennonun xanımı Yoko Ononun təşkil etdiyi LennonOno mükafatına layiq görüləcək. 
   Amerikalı müğənni Cennifer Lopezin 4 yaşlı qızı geyimləri və aksesuarlarının bahalığı ilə hər kəsi heyrətləndirib. Belə ki, Fransanın paytaxtı Parisdə təşkil olunan “Chanel” dəfiləsini anası ilə birlikdə ön sıradan izləyən Emme 2 min 410 dollarlıq aksesuarları ilə diqqət çəkib. O, tədbirdə kəpənək şəklindəki 2 min dollarlıq çanta və 410 dollarlıq eyni markalı sancaqdan istifadə edib. Bununla Emme Tom Kruz və Keti Holmsun mətbuatın dilindən düşməyən 6 yaşlı qızları Suriyə rəqib olub.

 

Sahilə Aslanova

Muz-Tv.az