Rihanna “Bakı Kristal Zal”ın səhnəsinə liftlə gəldi

Dünya ulduzu Rihanna “Bakı Kristal Zal”da möhtəşəm konsert verib.  

     Dünya ulduzu Rihanna “Bakı Kristal Zal”da möhtəşəm konsert verib. Muz Tv-nin məlumatına görə, ilk olaraq səhnəyə Gültəkin adlı gənc müğənni çıxaraq ingilis dilində mahnılar oxuyub. “Natiq” ritm qrupunun “Sarı gəlin” mahnısını ifa etməsi isə böyük alqışlarla qarşılanıb. Daha sonra liftlə səhnəyə çıxan Rihanna tamaşaçılarla ünsiyyət quraraq, Bakını çox sevdiyini dəfələrlə vurğulayıb. Müğənnini daha yaxşı görmək istəyən fanatlar stulların üzərinə çıxaraq həm oynayıb, həm də ulduzla birgə ifa edib. 
    Rihanna “Where have you been”, “We found love”, “Umbrella” , “Love the way you lie” və digər mahnılarını oxuyub. Konsertin davamında tamaşaçıların arasına gələn dünya ulduzunun bu addımı hər kəsin təəccübünə səbəb olub. Məşhur ulduz tamaşaçıların davamlı “Rihanna, Rihanna” deyərək onu yenidən çağırmasına baxmayaraq səhnəyə qayıtmayıb. 
    Qeyd edək ki, Rihannanın Bakı konsertinin təşkilatçılığı “Universal Music Group”un Azərbaycandakı rəsmi nümayəndəsi “Omnikomo Music Group”na məxsusdur.

 

Aysər Həsənli

 

Muz-Tv.az