Paris Hiltona reklama çəkiləcək

Hilton ailəsinin məşhur varisi Paris Hilton geyim firmalarından birinin reklamında çəkilmək üçün İstanbula gedib.  

    Hilton ailəsinin məşhur varisi Paris Hilton geyim firmalarından birinin reklamında çəkilmək üçün İstanbula gedib. Məlumata görə, Frankfurtdan təyyarə ilə gələn xanımı hava limanında pərəstişkarları qarşılayıb. Qeyd edək ki, reklam çarxında Paris Hiltonun tərəf müqabili Türkiyənin milli furbolçusu, hazırda “Atletiko-Madrid” komandasında oynayan Arda Turan olacaq.
   Məşhur qalmaqallı müğənni Ledi Qaqanın Nyu Yorkda açdığı “Coanna Trattoria” adlı restoran səhiyyə nazirliyi müfəttişləri tərəfindən bağlanılıb. Kafenin bağlanmasına səbəb olaraq işçilərin geyimlərinin təmiz olmaması, qidaların yaxşı qorunmaması, aşpazların papaq taxmaması göstərilib. Bu hadisə amerikan mətbuatında böyük səs-küyə səbəb olub. 
   Məşhur amerikalı aktyor Ben Afflek qızlarıyla gəzintidə olarkən yolun kənarında daynan bir maşını vurub. 
Ulduz avtomobilin üzərinə: “Salam, güzgünüzü qırdım. Çox təəssüf edirəm. Bütün xərcləri ödəyəcəyəm. Ben” yazılan bir məktub qoyub. Zərfi maşının şüşəsinə yapışdıran Afflek daha sonra qızlarıyla birlikdə evə dönüb.
   Amerikalı müğənni Madonnanın qızı Lurdes incəsənət təhsili almaq üçün Nyu York şəhərindəki özəl bir universitet olan Bard kollecinə sənədlərini təqdim edib. Universitetin yataqxanasında qalmağa hazırlaşan məşhurun qızı xərclərini özünün hazırladığı geyimlərdən əldə edəcəyi gəlirlə qarşılayacaq. Bu barədə danışan Lurdesin yaxın dostu bildirib ki, o artıq anasının yaşam tərzindən yorulub və ondan asılı olmaq istəmir.

 

Sahilə Aslanova

 

Muz–Tv.az