Müslüm Maqomayevin 70 illik yubileyi qeyd olundu

Dünya şöhrətli sənətkar Müslüm Maqomayevin 70 illik yubileyi Heydər Əliyev Sarayında dövlət səviyyəsində qeyd olunub.  

     Dünya şöhrətli sənətkar Müslüm Maqomayevin 70 illik yubileyi Heydər Əliyev Sarayında dövlət səviyyəsində qeyd olunub. Muz Tv-nin məlumatına görə, “Sən mənim melodiyamsan. Görkəmli müğənniyə həsr olunur...” adlı konsertdən əvvəl tədbir iştirakçıları musiqiçinin həyat və yaradıcılığını əks etdirən sərgi ilə tanış olub. Konsertdə çıxış edən mədəniyyət və turizm naziri Əbülfəz Qarayev əfsanəvi sənətkarın Azərbaycan musiqi səhnəsində önəmli yeri olduğunu bildirib. 
     Gecədə iştirak edən Müslüm Maqomayevin ömür-gün yoldaşı, SSRİ Xalq Artisti Tamara Sinyavskaya həyat yoldaşının xatirəsinə həsr olunan bu gecədən böyük zövq aldığını deyib. 
     Qeyd edək ki, musiqili gecədə ifaçıları Üzeyir Hacıbəyli adına Azərbaycan Dövlət Simfonik Orkestri müşayiət edib.

 

Aysər Həsənli 
Ramal Gülməmmədov

 

Muz-Tv.az