Yerli müğənnilərin qalmaqalı

“Xalq artistləri Brilliant Dadaşova, Zülfiyyə Xanbabayeva və Aygün Kazımova şou- biznesin divalarıdır”- fikrinə Brilliant Dadaşova münasibət bildirib.  

    “Xalq artistləri Brilliant Dadaşova, Zülfiyyə Xanbabayeva və Aygün Kazımova şou- biznesin divalarıdır”- fikrinə Brilliant Dadaşova münasibət bildirib. Müğənninin sözlərinə görə, heç vaxt özünü diva hesab etməyib və ona adı ilə müraciət edilməsi daha xoş gəlir. 
    Türk musiqisinin imperatoru İbrahim Tatlısesin Azəri qızı Günelə qarşı diqqətsiz davranması xəbərləri azərbaycanlı müğənnini dilə gətirib. İfaçı bu məlumatın yalan olduğunu vurğulayıb. Müğənninin sözlərinə görə, nəbzi pislik etməklə döyünən insanların niyyəti gözündə qalacaq. İbrahim Tatlıses mənim atamdır -deyə sənətçi əlavə edib. Xatırladaq ki,Günel səhnəyə çıxan andan hər zaman İbrahim Tatlısesdən dəstək alıb.
   Müğənni İradə İbrahimova Eltondan incidiyini deyib. Artıq bir neçə ildir ki, onların münasibətləri soyuqdur. İllər öncə sənətçi toyuna Eltonu dəvət etsə də o, gəlməyib. Bu söhbətdən sonra münasibətlər gərginləşib və bu günə qədər də iki müğənni arasında soyuqluq davam edir. 
   Azərbaycanın xalq artisti, məşhur estrada müğənnisi Aygün Kazımovanın qızı İlqarə İbrahimovanın nişanlanması haqda xəbərlər dolaşır. Məsələyə sənətçinin prodüseri Tarix Əliyev aydınlıq gətirib: “Nə nişanlanmaq? İlqarənin nişanı yox, ad günü idi. Bunlar hamısı yalandır”-deyə o, bildirib.

 

Xəyalə Əzizova

 

Muz-Tv.az