Türkiyəli məşhurlar Azərbaycan toyunda…

Məşhur türkiyəli müğənni Kənan Doğulu və qardaşı Ozan Doğulu yenidən Azərbaycana gəlir.  

     Məşhur türkiyəli müğənni Kənan Doğulu və qardaşı Ozan Doğulu yenidən Azərbaycana gəlir. Məlumata görə, ulduzlar konsert üçün deyil, el şənliyində iştirak məqsədilə ilə Bakıya təşrif buyuracaq. Onlarla yanaşı sözügedən toyda daha 17 yerli və əcnəbi müğənninin çıxışı gözlənilir.  Qonaqlar arasında olacağı deyilən Tarkan da şəxsi helikopterilə Türkiyədən birbaşa həmin el şənliyinə gələcək. Onun bir saata yaxın mahnı ifa edəcəyi deyilir.
    Hollivudun məşhur aktyoru Riçard Girin restoranda tanış olduğu qadına yaxınlıq göstərməsi gərginliyə səbəb olub. Məlumata görə, 63 yaşlı aktyor gözlərini ayırmadığı xanımın yanında oturaraq onunla pıçıltı ilə söhbət etməyə başlayıb. Bu mənzərəni görən qadının həyat yoldaşı isə Girdən məkanı tərk etməsini tələb edib. Qeyd edək ki, aktyorun meneceri baş verənlərin səhv başa düşüldüyünü, məşhurun restorandan çıxarkən onlara sadəcə salam verdiyini deyib.
    Amerikalı müğənni Pink “Try” adlı sinqlına çəkdirdiyi yeni klipini təqdim edib. Bu ekran əsəri ulduzun “The Truth About Love” adlı albomuna dəstək məqsədilə lentə alınıb. Video çarxın rejissoru bir çox məşhurlarla əməkdaşlıq edən klipmeyker Floriya Siqizmondidir. Pink bu klipin bu günə qədərki ən sevimli işi olduğunu etiraf edib. 
   Məşhur müğənni Castin Biberin Vaşinqtondakı konserti zamanı bəzi şəxsi əşyaları oğurlanıb. Ulduz xüsusilə kompüter və video kamerasının itdiyini deyib. O, həmçinin əlavə edib ki, insanlar başqalarının şəxsi əşyalarına hörmət etməlidir. Qeyd edək ki, polis heç bir rəsmi müraciət olmadığına görə, araşdırmaya başlamayıb.

 

Sahilə Aslanova

Muz-Tv.az