İşın Karaca həyat yoldaşı ilə barışdı

Türkiyəli müğənni İşın Karaca boşanmağa hazırlaşdığı həyat yoldaşı ilə barışıb.  

     Türkiyəli müğənni İşın Karaca boşanmağa hazırlaşdığı həyat yoldaşı ilə barışıb. Deyəsən ilk məhkəmə iclasında hakimin qarşısında onu sevdiyini və ayrılmaq istəmədiyini söyləyən Sedat Doğan müğənninin qəlbini yenidən qazanıb. Cütlüyün bir restoranda Demet Akalın və başqa məşhur müğənnilərlə birlikdə barışıq yeməyi yediyi bildirilir.
    Britaniyalı “Rolling Stones” rok qrupu yaranmasının 50-ci ildönümündə yeni bir albom çıxarır. “Universal Music ”şirkəti içində iki yeni mahnının da olduğu musiqi toplusunu noyabrın 12-də dinləyicilərin ixtiyarına verəcək. Bundan başqa, “Doom and Gloom” mahnısı artıq radiolarda səslənir. Xatırladaq ki, “Rolling Stones” qrupunun əsası 1972-ci il iyulun 12-də Londonda qoyulub.
    “Fabrika zvyozd” müsabiqəsinin iştirakçısı İrakli Pirsxalava ikinci dəfə ata olub. Ananın özünü yaxşı hiss etdiyini deyən müğənni çox xoşbəxt olduğunu qeyd edib. O, bütün vaxtını körpəsinə sərf etmək üçün hətta bir neçə konsertini də təxirə salıb. Qeyd edək ki, İraklinin İlya adlı iki yaşlı bir oğlu da var.
    Los Ancelesdə mərhum müğənni Uitni Hyustonun xatirəsini yad eləmək məqsədilə konsert təşkil olunub. Tədbirdə Britni Spirs, Cennifer Hadson və Aşer kimi məşhurlar iştirak edib. Kanadadan dəvət olunan, amma gələ bilməyən Selin Dion tamaşaçılara səhnədəki böyük monitordan müraciət edib. Şou iştirakçıları müğənninin məşhur mahnılarını oxuyub, onunla olan xatirələrindən danışıblar.

Sahilə Aslanova

 

Muz–Tv.az