Məşhur müğənninin evi qarət olundu

Rusiyalı müğənni Slava qarət olunub. Məlumata görə şənbə günü gecə məşhurun mənzilinə naməlum şəxslər... 

    Rusiyalı müğənni Slava qarət olunub. Məlumata görə şənbə günü gecə məşhurun mənzilinə naməlum şəxslər daxil olaraq onun bahalı əşyalarını, məişət texnikasını və ümumi dəyəri 1,6 milyon rubl olan pulunu oğurlayıblar. Moskva şəhər baş polis bölməsi xəbəri təsdiqləyib və hətta ərazidə istintaqın başladığını da əlavə edib. Slavanın özü isə hadisə haqqında hər hansı bir şərh verməkdən imtina edib.
    Reklam çarxına çəkilmək üçün Türkiyəyə gələn amerikalı ulduz Paris Hilton ona bələdçilik edən polislər üçün əməlli-başlı problem yaradıb. Tanınmış futbolçu Arda Turanla eyni səhnədə yer alan məşhur çıxdığı gecə gəzintisi zamanı onu müşayət edən qanun gözətçilərini pis vəziyyətdə qoyub. Belə ki, onu aparan mini avtobus İstanbul yollarının bütün qaydalarını pozub. Polislərin bu vəziyyətə göz yumması isə şəhərin təhlükəsizlik müdiri Hüseyn Çapkını özündən çıxarıb. Hazırda həmin polislərlə bağlı iş aparılır.
    Avqustda boşandığı həyat yoldaşı Keti Holmsu geri qaytarmaq istəyən amerikalı aktyor Tom Kruzun sayentologiya təriqətindən ayrılacağı iddia edilib. Belə ki, məşhur Nikol Kidman və Keti ilə olan evliliklərinin məhz bu təriqət üzündən məhv olduğunu bildirib. İllərlə sayentologiyanın qanunlarına uyğun yaşayan Tom artıq bunların ailə həyatında işə yaramadığını qəbul edib. Ketinin qızları Suri üçün narahat olaraq ondan boşanma qərarı alması məşhur ulduzu çox kədərləndirib. Qeyd edək ki, Tom Kruz 1990-cı ildən sayentologiya təriqətinə qulluq edir. 
   Məşhur Hollivud ulduzu Rassel Krou həyat yoldaşı Daniel Spenserdən boşanıb. 9 il evli olan cütlüyün iki övladı var. Razılaşmaya görə, uşaqlar anası ilə qalacaq. Xatırladaq ki, Rassel Daniel ilə 1990-cı ildə tanış olub. Cütlüyün boşanma səbəbi isə hələ ki, məlum deyil.

 

Sahilə Aslanova

 

Muz–Tv.az