Məşhur müğənni səsini 48 milyon dollar sığortaladı

Türkiyəli müğənni Sıla yeni klipini sevənlərinin ixtiyarına verib. Video çarx ulduzun “Vavelya” albomunun çıxış sinqlı olan “İmkansız” mahnısına çəkilib. 

     Türkiyəli müğənni Sıla yeni klipini sevənlərinin ixtiyarına verib. Video çarx ulduzun “Vavelya” albomunun çıxış sinqlı olan “İmkansız” mahnısına çəkilib. Efe Bahadırın rejissorluq etdiyi bu ekran əsərində Sıla öz aktyorluq istedadı ilə də çox bəyənilib. Klip mahnının ruhuna uyğun olaraq ağ-qara lentə alınıb. Çəkilişlər xüsusi olaraq hazırlanmış bir otaqda “red camera”dan istifadə olunaraq reallaşıb.
     Məşhur italyan müğənni Eros Ramazotti yeni “Me” adlı albomunu təqdim etməyə hazırlaşır. Musiqi toplusu noyabrın 13-də sevənlərin ixtiyarına veriləcək. Ulduzun alboma dəstək məqsədilə təşkil olunan dünya turnesi isə gələn ilin mart ayında başlayacaq. Turne çərçivəsində məşhurun Avropa, Cənubi Amerika ölkələri, Kanada və Avstraliyaya səfər edəcəyi gözlənilir.
     Müğənni Murat Dalkılıçın artıq hər yerə sevgilisi Ekin Türkmənsiz getməsi diqqətlərdən qaçmayıb. Bir restoranda dostları ilə oturan ulduzun kədərli olduğu görülüb. Murat onu çəkən kameraları görən kimi məkanı tərk edərək dolanbac küçələrdə gözdən itməyə çalışıb. Məqsədinə çata bilməyən müğənni müxbirlərin suallarını cavablandırmalı olub. Konsertdən gəldiyini deyən məşhur ulduz: “Ekinin işləri olduğuna görə, yanımda ola bilmədi” -deyə söyləyib.
    Amerikalı müğənni Adam Lambert konsert qabağı səsini 48 milyon dollara sığortalayıb. Məlumata görə, bu addım ulduzun səsinin marka baxımından dəyərini qeyd etmək və hər hansı fövqəladə vəziyyətlər üçün atılıb. Xatırladaq ki, Adam Lambert özünü sığortalayan ilk məşhur deyil. Müğənni Meray Kerri də ayaqlarını 1 milyon dollara sığortalayıb.

 

Aslanova Sahilə

 

Muz-Tv.az