Beynəlxalq Bakı Caz Festivalının açılışı oldu

Bakıda ənənəvi olaraq Beynəlxalq Bakı Cazz Festivalının təntənəli açılış mərasimi keçirilib. 

    Bakıda ənənəvi olaraq Beynəlxalq Bakı Cazz Festivalının təntənəli açılış mərasimi keçirilib.Tədbirdə ilk olaraq çıxış edən mədəniyyət və turizm naziri Əbülfəz Qarayev artıq 10-cu dəfədir keçirilən bu Cazz festivalının musiqisevərlərə dəyərli anlar yaşadacağını bildirib. Nazir onu da vurğulayıb ki, caz sənəti Azərbaycan cəmiyyətinin, mədəniyyətinin ayrılmaz hissəsinə çevrilib.
    Daha sonra səhnədə bu günə kimi 3 dəfə “Qremmi” mükafatına layiq görülən, ən yaxşı bəstəkar və dünyanın ən yaxşı məşhur gitara ifaçısı, amerikalı Mayk Stern Babylon yer alıb. İfaları zalda əyləşənlər tərəfindən gurultulu alqışlarla qarşılanan Mayk Bakı tamaşaçılarını heyrətləndirib.
     Qeyri-adi texnikaya malik ifaçı rok, caz və klassikanı ustalıqla uyğunlaşdırıb. Musiqiçinin rəhbərlik etdiyi qrupun tərkibində Bob Franceschini, azərbaycanlı Teymur Phell və Lionel Cordew iştirak edib. 2 saata yaxın qonaqlara xoş anlar yaşadan Mayk Stern səhnəni tərk etsə də, sonradan yenidən tamaşaçıların qarşısına qayıdaraq, daha bir neçə kompozisiya səsləndirib.
     Qeyd edək ki, Mədəniyyət və Turizm Nazirliyinin və Azərbaycan Mədəniyyət Fondunun dəstəyi ilə keçirilən festival oktyabrın 25-nə kimi davam edəcək.

Səbinə Zöhrabqızı
Vüsal Həşimov

 

Muz-Tv.az