Klan-A-Plan qrupunun üzvü Rüfətin ölümündən 2 il ötür

Tanınmış estrada müğənnisi Elnur Məmmədov Naxçıvanla bağlı layihə üzərində işləyir.  

     Tanınmış estrada müğənnisi Elnur Məmmədov Naxçıvanla bağlı layihə üzərində işləyir. Muxtar Respublikada keçirilən konsertdə “Azərbaycan” adlı kompozisiya ilə çıxış edən məşhur, elə həmin mahnıya klip çəkdirmək qərarına gəlib. “Buranın hava və təbiəti o qədər gözəldir ki, həmişəlik qalmaq istədim. İstisu, Duzdağa getdim, Əshabi-Kəhf adlı müqəddəs yeri ziyarət etdim. Burada mən öz layihəmi gerçəkləşdirəcəyəm və Naxçıvanın görməli yerlərini orada əks etdirəcəyəm”, -deyə müğənni bildirib.
    Keçən il nişanlanması ilə medianın gündəmindən düşməyən müğənni Günel Zeynalovanın Türkiyə vətəndaşı olan nişanlısından ayrılması barədə gəzən şayiələr özünü doğrultmadı. Günelin jurnalistlərin şəxsi həyatı ilə bağlı ona ünvanladığı suallardan qaçması bu şayiələri müəyyən mənada doğrulayırdı. Amma cütlük 2 gün əvvəl İstanbulda yaşayan Günay Musayevanın həyat yoldaşı məşhur aktyor Tolqa Karelin ad gününə qatılmaqla şübhələrə son qoydu. Günel Zeynalova və İnanc Başəyməzin ad günündə çəkilmiş mehriban fotoları cütlüyün hələ də birlikdə olduğunu sübuta yetirdi. 
    Müğənni Safura Əlizadə tezliklə yeni mahnısını təqdim edəcək. Bu barədə müğənni öz “Facebook” səhifəsində yazıb. "Yaxşı xəbərlərim var! Tezliklə sizə yeni mahnımı təqdim edəcəm. O demək olar ki, hazırdır. Ümid edirəm ki, bəyənəcəksiniz", - deyə müğənni qeyd edib. 
   Bir vaxtlar "Klan-A-Plan" rep qrupunun üzvü, "Ryder" ləqəbi ilə tanınan Rüfətin ölümündən 2 il ötür. Məlumata görə, onun ölümünə ürək tutması səbəb olub. Nəzərinizə çatdıraq ki,o, "Klan-A-Plan" qrupunda aranjemançı, musiqi müəllifi kimi fəaliyyət göstərib. Reper Roza Zərgərli, Nurlan Növrəsli və bir çox başqa yerli müğənnilər üçün də mahnı bəstələyib.

 

Sahilə Aslanova

 

Muz–Tv.az