Röya Azərbaycanı tərk edəcəyi barədə xəbəri təsdiqlədi

Müğənni Röya Azərbaycanı tərk edəcəyi barədə xəbəri təsdiqləyib.  

     Müğənni Röya Azərbaycanı tərk edəcəyi barədə xəbəri təsdiqləyib. Ulduz bir verilişə verdiyi müsahibədə bildirib ki, Azərbaycandan getsə də, yaradıcılığını tərk etmək fikrində deyil. O, köçmək qərarının qəti olduğunu və fəaliyyətini Türkiyədə davam edəcəyini bildirib. Bundan başqa, Röya yaradıcılığının 10 ili ərzində çoxlu xəyanətlərə uğradığını və bundan çox yorulduğunu deyib. Müğənni Türkiyədə hər şeyə sıfırdan başlayacağını əlavə edib.
    Müğənni Zamiq Hüseynovu Azərbaycanın tanınmış futbol klublarından birinə dəvət ediblər. Bu barədə məşhur özü məlumat verib. Futbolu çox sevdiyini və yaxşı oynadığını deyən Zamiq klubun adını isə hələ açıqlamaq istəmədiyini deyib. O, yaxın günlərdə futbol meydançasına çıxacağını da bildirib. 
     Türkiyəli müğənni Əhməd Şəfəq Bakıdadır. Məlumata görə, o, ölkəyə “Ya Qarabağ, ya ölüm” adlı filmdə elə bu mövzu ilə bağlı mahnı oxumaq üçün təşrif buyurub. Filmin yaradıcı heyətindən olan Bəxtiyar Qaracanın sözlərinə görə, filmdə bu faciənin necə yaşanmasından söhbət açılacaq və Türkiyədən, Azərbaycandan olan sənətçilərin ifasında Qarabağa həsr olunmuş müxtəlif mahnılar səslənəcək. Bu mövzuda səslənən şeirlərlə yanaşı maraqlı və fərqli çəkilişlər də aparılacağı da gözlənilir. Əhməd Şəfəqin “Qarabağ Şərgisi”ni ifa edəcəyi bildirilib.
     Bu gün tanınmış müğənni Elçin Cəfərovun ad günüdür. Məşhurun doğum günü oktyabrın 18-i Dövlət Müstəqilliyi gününə təsadüf edir. Qeyd edək ki, həmkarlarından sadəliyi və bacarığı ilə seçilən Elçinin doğum günü ilə bağlı hər hansı tədbir keçirəcəyi hələlik bəlli deyil.

Sahilə Aslanova

 

Muz–Tv.az