Məşhur aktrisa ana oldu

Amerikalı aktrisa Meqan Foks ana olub. Ulduzun oğlu sentyabrda doğulsa da məşhur cütlük bu faktı indiyədək gizlədib.  

    Amerikalı aktrisa Meqan Foks ana olub. Ulduzun oğlu sentyabrda doğulsa da məşhur cütlük bu faktı indiyədək gizlədib. Amma xoşbəxt ana bu barədə daha artıq susa bilməyib və Facebook” səhifəsindən şad xəbəri fanatları ilə bölüşüb. Ötən bir neçə həftənin həyatının ən xoşbəxt dövrü olduğunu deyən Meqan sentyabrın 27-də Noa Şennon Qrin adlı oğlunu dünyaya gətirdiyini də bildirib.
    Hollivud ulduzu Hyu Cekman bütün dünyanı öz “Gangnam style” mahnısıyla fəth edən PSY ilə görüşüb. Koreyalı müğənni aktyoru “Rossomaxa” filminin çəkilişləri zamanı ziyarət edib. Görüşdən sonra ulduz “Twitter” hesabından çəkilmiş şəkli paylaşaraq çox əyləndiklərini bildirib.
     Şimali Kiprdə bir əyləncə mərkəzinin açılışında iştirak edən türkiyəli aktyor Kıvanç Tatlıtuğun kaprizləri hər kəsi təəccübləndirib. Bu açılışa qatılmaq üçün 50 min lirə aldığı iddia edilən Tatlıtuğ yanında olan model qızları təhqir edib. Belə ki, o, birlikdə şəkil çəkdirmək istəyən qızları acılayaraq yaxına gəlmələrinə icazə verməyib. Hətta məkan sahiblərinə modelləri oradan uzaqlaşdırmaları haqda tapşırıq da göndərib. 
     Türkiyəli müğənni Demet Akalın rəfiqəsi ilə nahar edərkən kameralara görüntülənib. Cütlük daha sonra qəhvə falına baxıb. Çıxışda müxbirlərin: “Falınıza nə çıxdı?Uşaq olacaqmı?” -sualına “Kökəldiyimi üzümə vurmayın” deyə cavab verib. Müğənninin üzündəki şişkinlik də diqqətdən qaçmayıb. 

Sahilə Aslanova

 

Muz-Tv.az