Rəqsanə ana olmağa hazırlaşır

Müğənni Rəqsanənin tez-tez Moskva şəhərinə getməsinin səbəbi məlum olub.  

     Müğənni Rəqsanənin tez-tez Moskva şəhərinə getməsinin səbəbi məlum olub. Muz Tv-yə açıqlamasında sənətçi bildirib ki, onun gələcək həyat yoldaşı Moskvada yaşayır. “O, insan biznesmendir. Hər an mənimlədir. Elə Azərbaycana da mənimlə birgə gəlib. Münasibətlərimizi rəsmiləşdirməyi düşünürük”- deyə sənətçi bildirib.
    İki qız anası olan müğənni bir zamanlar “ailə qurmağı düşünmürəm” desə də, fikrindən daşınıb. Onun bu addımının övladları tərəfindən müsbət qarşılandığını deyən Rəqsanə üçüncü dəfə ana olmağı düşündüyünü də etiraf edib. Onun sözlərinə görə, bu, gələcək həyat yoldaşının istəyidir. 
    Bildirək ki, bəzi həmkarlarından fərqli olaraq mediaya qarşı diqqətli olduğunu deyən sənətçi toyunda mətbuata qadağa qoymağı düşünmür. Amma jurnalistlərin iştirakına mane olacaq bir səbəb var ki, bunu da ifaçı bizə açıqlayıb: “Ola bilsin ki, toyumuz burda olmasın. Əgər Moskvada ailə qursaq, onda yalnız görüntüləri təqdim edəcəyik”. Qeyd edək ki, Rəqsanə Moskvaya köçməyi düşünmür.

 

Aysər Həsənli
Vüsal Bababyev

 

Muz-Tv.az