Beynəlxalq Caz Festivalı çərçivəsində Çingiz Mustafayev konsert verdi

“Bakı Caz Festivalı 2012” çərçivəsində "Yeni adlar" gənc caz kollektivinin konserti keçirilib. 

     “Bakı Caz Festivalı 2012” çərçivəsində "Yeni adlar" gənc caz kollektivinin konserti keçirilib. Gecənin ifaçısı müğənni Çingiz Mustafayev olub. Azərbaycan musiqisini ispan flamenkosu ilə sintez edən gənc ifaçı yaddaqalan konsert proqramı ilə çıxış edib. Müğənni öz yaratdığı “Palmas” qrupunun müşayiəti ilə cazsevərlərin qəlbini oxşamağı bacarıb. 
    Konsertdə Çingizin öz bəstələri ilə yanaşı Cipsi Kinqin repertuarından olan ingilis dilində mahnılar da səsləndirilib.  Xatırladaq ki, silsilə tədbirlər Mədəniyyət və Turizm Nazirliyinin, eləcə də Azərbaycan Mədəniyyət Fondunun dəstəyilə ilə keçirilir. Oktyabrın 25-dək davam edəcək festival çərçivəsində eyni zamanda dünyanın tanınmış caz ifaçıları paytaxtımızın bir çox mədəniyyət ocaqlarında geniş konsert proqramları ilə çıxış edəcək.

Səbinə Zöhrabqızı
Ramal Gülməmmədov

 

Muz-Tv.az