Məşhurların sənətində və həyatında baş verənlər

Yaradıcılığında dönüş etməyi qarşısına məqsəd qoyan ekstravaqant müğənni Samir Bağırova qadağa qoyulub.  

     Yaradıcılığında dönüş etməyi qarşısına məqsəd qoyan ekstravaqant müğənni Samir Bağırova qadağa qoyulub. Söhbət sənətçinin bu günlərdə yerli prodüser mərkəzlərindən biri ilə imzaladığı müqavilədən gedir. Bu barədə məlumatı müğənninin yaxın dostu Samir Əliyev verib. Razılaşmaya görə, Samir bundan sonra Kütləvi İnformasiya Vasitələrinə yaradıcılığı və şəxsi həyatı barəsində şirkətdən icazəsiz hər hansı bir açıqlama verə bilməz. O, həmçinin vurğulayıb ki, atılan bütün addımlar Samir Bağırovun xeyrinə olacaq.
     Türk müğənnisi Barbaros sözləri və musiqisi Gövhər Həsənzadəyə məxsus “Buraya qədər” və “Ömür bumu?” mahnılarını albomuna daxil edib. Sənətçi bunun üçün bəstəkardan halallıq da alıb.
     Əməkdar artist Tünzalə Ağayeva Ramazan bayramı ilə əlaqədar solo-konsert verəcək. Bu barədə məlumatı müğənninin prodüseri Yalçın Cabbarov yayıb. Əməkdar artistin konserti avqustun 19-da baş tutacaq. Sənətçi yeni mahnılarını isə avqustun sonlarında təqdim edəcək.
     Yurmalada ailəsi ilə birgə istirahət edən Nadir Qafarzadənin bu şəhəri seçməsinə səbəb “ Yeni dalğa” müsabiqəsini izləmək istəməsi olub. Müsabiqədə məşhur müğənni Emin Ağalarov da çıxış edərək “Never enough”mahnısını ifa edib. Qeyd edək ki ,hazırda həyat yoldaşı və oğlanları ilə bir yerdə olan sənətçinin istirahəti 14 gün davam edəcək.
    Maraqlıdır görəsən Şou biznes ulduzlarının adları nə məna verir? Aygün Kazımovanın adının mənası “aylı gün”, Oksana isə qonaqpərvər deməkdir. Nigar Camalın isminə gəlincə, sədaqətli, cəlbedici və gözəl mənasını verir. Elza Seyidcahanın adı Avropa mənşəlidir, mənası “Allaha and vermək” deməkdir. Zarina adının bir neçə mənası var “Şəfəq qızı" və "döyüşkən".
    Türkiyənin məşhur aktyoru Kənan İmirzalıoğlu Tuğçe Kazazla eşq macərası yaşadığı ilə bağlı yayılan məlumatların yalan olduğunu deyib. Aktyor bu məsələdə mətbuatı ittiham edib. “Belə bir şey ola bilməz. O, mənim dostumdur” - deyə aktyor söyləyib.

Xəyalə Əzizova

Muz-Tv.az