Portuqaliyalı ifaçı ilk dəfə Azərbaycan səhnəsində...

“Bakı Caz festivalı 2012” çərçivəsində Beynəlxalq Muğam Mərkəzininin növbəti qonağı portuqaliyalı caz ifaçısı Karmen Souza olub. 

    2005-ci ildən etibarən müxtəlif festivalların iştirakçısı olan Karmen Souza öz musiqi qrupu ilə gələn qonaqlara əsl caz gecəsi yaşadıb. İmprovizələr edərək öz musiqi alətində ifa edən 31 yaşlı Souzanın kəşf etdiyi xüsusi ritmlər, səslər və stil hər kəsi öz təsiri altına alıb.
   Çıxışından sonra öz təəssüratlarını Muz Tv ilə bölüşən Karmen bildirib ki, konsert zamanı Azərbaycan tamaşaçısını çox bəyənib. İlk dəfədir şəhərimizin qonağı olan caz ifaçısı Bakını gəzmədiyini etiraf etsə də, Xəzər Dənizini çox bəyəndiyini gizlətməyib.
  Qeyd edək ki, Karmen Souzanın 2011-ci ildə dünyanın bir sıra ölkələrində etdiyi çıxış ona böyük uğur gətirib.

Səbinə Zöhrabqızı
Vüsal Babayev

 

Muz-Tv.az